Dopin kontrolak Euskal Agentziak egingo ditu

Denboraldi honetatik aurrera, Eusko Label eta Euskotren ligetako dopin kontrolak Dopinaren Euskal Agentziak egingo ditu. Hitzarmena egin dute Traineru Kluben Elkarteak eta Eusko Jaurlaritzak, haren eskumena baita gai honen ardura Euskal Autonomia Erkidegoan. Estropada guztietan eta lehiatik kanpo ere egingo dira kontrolak, baina betiere EAEn barruan. Euskal Agentzia arduratzen da kontrolak egiteaz Kontxako Banderan eta KAE ligetan. Iaz, 79 egin zituen arraun munduan, kirol batean egindako gehien.