Albistea entzun

Sanferminak Iruñean. ERRESPETU INSTITUZIONALETIK

Dorian Gray Iruñean

Joxerra Senar -

2018ko uztailak 11

Zer gutxi falta zaion. Hatzekin uki dezake. Irriño maltzur bat marraztu du. Zapi gorria lepoan lotu du. Hala egiteko esan diote. Lehen aldia du hirian, baina bost axola zaio festa. Argi du zer nahi duen, eta gaurko eguna inportantea izan daiteke, lasterketaren azken txanpan sartu den honetan.

Inork gutxik espero zuen emaitza. Denek esaten zuten lehia biren artekoa zela, bi emakume boteretsuen artekoa. Bera lastozko panpina bat baino ez zen, beste hiruzpalau hautagaien antzera. Bera aurpegi eder bat baino ez. Bera faboritoren bati botoak kentzeko amua baino ez zen. Hori zioten demoskopia adituek. Tori, tori eta tori. Tori zuen aurreikuspenak, tori zuen kalkuluak, tori zuen aurrejuzguak.

Altsasukoa erabakigarri izan zela uste zuen. Bost axola alderdiaren gainbeherari erantzuteko nahikoa ahalmen intelektual duen. Berak sinpletasuna maite du. Espainia eta Guardia Zibila. Kuartelera egindako bisita hark alderdiko militanteen espiritu zaharra hunkitu zuen. Ez zuen behar besterik. Herri malapartatu hartan haserre zirela? Gazte batzuen senideek justizia eskatzen zutela? Bost axola. Berak boterea nahi du, kosta ahala kosta, eta horretarako edonoren gainetik jauzi egiteko gertu dago.

Ispiluko irudiak Dorian Grey dakarkio gogora. Kanpotik ederra, barrutik ustela. Iruñeko alderdikoak zain ditu. Anak Altsasun esan zion ez zela inorekin lerrokatuko, eta gero Maria Doloresi alfonbra gorria jarri zion Iruñean. Orain, eskutik musuka du. Tori zuri ere, Anita.

Orain badaki irabaziko duela, eta buruan du garaipeneko diskurtsoa: «Errespetu instituzionaletik...». Kar, kar. Errespetu instituzionala? Bera da instituzioa. Hari zor zaio errespetua.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / @FOKU

«Askotan, baimena eskatzea baino hobe da barkamena eskatzea»

Naroa Torralba Rodriguez

Munduko muralik onenetan hirugarrena Ondarroan dago, Kamiñazpin. Lian Monserrate da egilea, eta gaztetatik ari da gizarte gaiak hormetara eramaten. Memoria ariketa bat egin nahi izan du obra horrekin.
1 ©LABAYRU FUNDAZIOA / EZEZAGUNA

Itsasoko ezkutuko lana

Amaia Jimenez Larrea

Emakumeek itsasoan egindako lanaren balioa aldarrikatzeko, Labayru fundazioak 'Geu be bagara itsasoa' liburua argitaratu du. Zenbait belaunalditako hogei emakumeren testigantzak bildu dituzte.

<em>Irabazi arte</em> telesaileko bigarren denboraldiko aktore gazteak. ©EITB

'Irabazi arte'-ren bigarren denboraldia, ostiraletan ETBn

Urtzi Urkizu

Dorleta Urretabizkaia, Nahia Lacalle eta Joan Bailador dira aktore berriak. Zetak, Bengo eta Bulego taldeen kantak entzungo dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.