Ekologistaren hirugarren ahalegina

Marina Silva hirugarren aldiz jarraian aurkeztu da presidentetzarako hauteskundeetara. Breu Velho udalerrian jaio zen, 1958an, Amazoniako oihan zabalaren zati den estatuetako batean, Acren. 1980ko hamarkadan, oihanaren suntsipenaren aurka militantzia aktiboa hasi zuen, eta ekintzaile ekologista gisa egin da ezagun. Alderdiz alderdi jauzi egin du: PT Langileen Alderdian egon zen ia hogei urtez, 2010ean berdeekin aurkeztu zen, 2014an PSB Brasilgo Alderdi Sozialistaren, eta, orain, berak sortutako alderdi batekin.