Xabi Alonsok Bayer Leverkusen entrenatuko du

Xabi Alonsok Gerardo Seoane ordezkatu du Bayer Leverkusenen aulkian. Tolosarrak sasoi honetarako eta hurrengorako kontratua sinatu du Alemaniako taldearekin. Bayer Leverkusenek oso gaizki ekin dio denboraldiari: azken-aurrena da Alemaniako Ligan eta Txapeldunen Ligako multzoan. Alonso talderik gabe zegoen uztailetik, Reala B utzi zuenetik; hiru urtez zuzendu zuen.