Albistea entzun

Eusko Ikaskuntzak Euskal Herriko gazteen sarea sortu nahi du

Escalante, Maia eta Vizan, Donostian.
Escalante, Maia eta Vizan, Donostian. MAIALEN ANDRES / FOKU Tamaina handiagoan ikusi

Irati Urdalleta Lete -

2019ko azaroak 20 - Donostia

Euskal Herri osoko gazteen artean sare bat osatu nahi izan dute Eusko Ikaskuntzak, Euskadiko eta Nafarroako gazteriaren kontseiluek eta Udako Euskal Unibertsitateak; horretarako, hainbat foro antolatu dituzte. Foro horiek sortzeko ideia Eusko Ikaskuntzaren mendeurrenetik dator: «Helburua da errealitate desberdinak ezagutzea, eta gure erronkak, kezkak eta itxaropenak partekatzea», azaldu du Antton Maia Eusko Ikaskuntzako talde eragileko kideak. Partaide da Ander Vizan ere, eta foroak antolatzen lagun izan dute Sara Escalante Nafarroako Gazteria Kontseiluko kidea. Foro horietan, lau gai nagusi jorratuko dituzte: hezkuntza formala eta ez-formala, gobernantza, ongizate materiala eta euskara.

Foroak bi fasetan banatuko dira. Abenduaren 14an ekingo diote lehengoari, Donostian. Gero, Iruñean elkartuko dira, otsailaren 8an, eta Baionan, martxoaren 14an. «EAEko, Nafarroako eta Ipar Euskal Herriko gazteek parte hartuko dute, bakoitzak bere lurraldean», azaldu du Vizanek. Bigarren fasean, berriz, aurretik parte hartu duten gazte guztiak foro bakarrean elkartuko dira. «Foro horietan aniztasuna egotea bermatu behar dugu, gaiak sakonean lantzeko», gaineratu du Maiak. Parte hartzea irekia izango da 18 eta 30 urte arteko gazteentzat, eta www.eusko-ikaskuntza.eus webgunean izango dute izena emateko aukera.

Espero dute gazteek arazo eta kezka desberdinak edukiko dituztela lurralde bakoitzaren errealitatearen arabera. Euskaren kasuan, esaterako, badakite batzuen eta besteen esperientziak desberdinak izan daitezkeela. Aldiz, adostasunerako tartea ere egongo dela pentsatzen dute: «Dauzkagun arazo batzuk berdinak izango dira; adibidez, etxebizitza, lana...», azaldu du Escalantek.

Foroak «abiapuntua» izango direla esan dute gazteek, eta lanean jarraitzeko asmoa adierazi dute. «Kezkekin eta tresnekin txosten bat egingo dugu, gobernuak interpelatzeko». Izan ere, badakite erakundeen laguntza beharrezkoa izango dela. «Identifikatutako tresnak martxan jartzeko, gobernuak beharko dira», ziurtatu du Vizanek. Pentsatzen duten arren erakundeek gazteak kontuan hartzen dituztela orain ere, jaramon gehiago egin beharko lieketela diote.

Foro horien bidez, gazteen parte hartzeak zer garrantzia duen ere azpimarratu nahi dute. Vizanen iritziz, aldaketetan gazteek parte hartzea «oso garrantzitsua» da, bestela aldaketek ez baitute beraien bizitza hobetuko: «Esaten da gazteok parte hartzeko modu desberdinak ditugula, eta foroetan horiek zein diren aztertu nahi dugu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bizkaiko Batzar Nagusietan Usansoloren desanexioa bozkatu zen momentuan ©Marisol Ramirez/ FOKU

Galdakaoko Udalak demandatu gisa aurkeztea erabaki du Usansoloko auzian

Berria

Bizkaiko Batzar Nagusiek lurraldeko 113. udal gisa onartu zuten Usansolo, galdeketaren ostean, eta estatuko abokatutzak helegitea aurkeztu zuen. Galdakaoko Udalak demandatu gisa aurkeztea erabaki du, prozesu honetan egindako bidea defendatzeko.

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia - Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.

Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.