Memoriaren foru legea moldatuko du parlamentuak
Nafarroako Legebiltzarreko Mahai eta Eledunen Biltzarrak tramiterako onartu zuen atzo Ezkerra taldeak aurkeztutako lege proposamena egungo Memoria Historikoaren foru Legea moldatzeko. Ezkerraren proposamena aurrera aterako balitz, Nafarroako Gobernuak zigorrak ezarri ahalko lizkieke foru legea urratzen duten norbanakoei nahiz administrazioei. Besteak beste, ikur frankistak eraikin ofizialetatik ez erretiratzea edota oroimen historikoko guneak erasotzea zigortuko lituzke arau berriak. Proposamena legealdi honetan onartzeko asmoa dagoela esan du Jose Miguel Nuinek, Ezkerrako parlamentariak.
Iruzkinak
Ez dago iruzkinik
Ordenatu