Albistea entzun

Koronabirusa

«Abandonatuta sentitzen dira»

Bizkaiko zahar etxeetako egoera «dramatikoa» salatu dute Babestu senideen elkarteak eta pentsiodunen mugimenduak. Baliabide gehiago eta kudeaketa «gardena» eskatu dute.
Babestu elkarteak, pentsiodunek eta Muskizko egoitzako senideek atzo eginiko manifestazioa.
Babestu elkarteak, pentsiodunek eta Muskizko egoitzako senideek atzo eginiko manifestazioa. MARISOL RAMIREZ / FOKU Tamaina handiagoan ikusi

Ion Orzaiz -

2021eko urtarrilak 21

Kezka handia dugu», laburbildu du Iraide Urrizek, Babestu Bizkaiko zahar etxeetako senideen elkarteko kideak: «Tantaka ematen digute barruan gertatzen ari denari buruzko informazioa». Egoiliarren artean atzemandako COVID-19 kasuen gaineko datuak, adibidez, «atzerapen handiarekin» jasotzen dituztela dio: «Ezinegon handia sortzen digu horrek». Alta, gardentasunik ezarena ez da senideek duten kezka bakarra: egoitzetan langileak eta baliabideak ere falta direla salatu du Urrizek. «Horrela, ezinezkoa da adinekoei kalitatezko arreta ematea». Atzo arratsaldean, manifestazioa egin zuten Babestu elkarteak, pentsiodunen mugimenduak eta Muskizko (Bizkaia) Marcelo Gangoiti zahar etxeko egoiliarren senideek, Bilboko Moyua plazatik Bizkaiko Foru Aldundiaren egoitzaraino, zerbitzuaren «egoera dramatikoa» salatzeko.

Azken asteetan egoitzetan atzemandako kutsatzeen gorakada «oso larria» dela uste dute senideek, eta «esku hartzeko» eskatu diote aldundiari: «Okerrena da erakundeek ez dutela autokritikarik egin nahi, ez dutela gaizki eginikoa onartzen. Bizkaiko Foru Aldundiak dio ikuskatzeak egin dituela, eta protokoloak ondo bete dituztela. Hori ez da ulergarria. Dena ondo egin bada, zergatik ari dira positiboak gora eta gora?».

Uste dute kutsatzeen arazoaren oinarrian egoitzetako arreta soziosanitario «eskasa» dagoela: «Ratioa oso txikia zen lehendik ere, baina pandemiak ageriago utzi du arazoa», azaldu du Urrizek. Horren adierazletzat jo du zaintzaileek egoiliar bakoitzarekin ematen duten denbora: «Otorduetan, adibidez, egoiliar batzuei ahora eman behar zaie janaria, koilarakadaz koilarakada. Horrek denbora eskatzen du, baina langileek ezin dute, ez dute horretarako astirik». Ratioak handitzeko eta profesional gehiago kontratatzeko eskatu zioten aldundiari atzoko manifestazioan.

Babestu elkarteko kideak gaineratu dut egungo egoeran adineko asko «abandonatuta» sentitzen direla. «Askok ez dute burua ondo; ez dute ulertzen, adibidez, seme-alabak zergatik ez zaizkien bisitan joaten, edo zer den bisita telematiko bat: ez dakite tablet batek edo sakelakoaren pantailak hitz egiten dienik ere. Eurentzat hori ez da bisita bat».

Urrizek salatu du egoitza publiko askotan adinekoek egun osoa «sofan eserita» ematen dutela: «Begirada galduta eta ezeri jaramonik egin barik; guretzat hori ez da kalitatezko zaintza».

Horren aurrean, Bizkaiko Foru Aldundiak «bere burua zuritu» besterik ez du egiten, Babestu elkartearen arabera: «Ez du ezer egiten kudeaketa publikoa hobetzeko. Aurrekontua ez du zentimo bakar bat handitu, adibidez. Hori onartezina da». Are: kritikak azaleratu direnean administrazioa egoitzetako arduradunen aldera lerratu dela salatu du Urrizek: «Herritarron interesen defentsan aritu beharko luke aldundiak, baina gabeziaren bat salatzen dugun aldiro, gure kontra egiten du».

Egoitza pribatuak Araban

Zahar etxeak eztabaidagai izan zituzten atzo Arabako Batzar Nagusietan ere. EH Bilduk ekinbide bat aurkeztu zuen, aldundiak egoitza pribatuetan «esku har» dezan, positiboek gora egiten badute. Ikuskatze zorrotzagoak ere eskatu zituen koalizio subiranistak, «lan karga handiegia, higiene falta, osasun neurririk eza eta bestelako gabeziak» azaleratzeko. Ekinbidearen aurkako botoa eman zuten EAJk, PSEk eta PPk, eta, horren ordez, testu propio bat onartu zuten, «zentroetan zerbitzu on bat bermatzeko neurri egokiak» eskatuz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©JON URBE / FOKU

«Bada euskara bidegurutzetik ateratzeko garaia»

Lander Muñagorri Garmendia

Euskal Herrian Euskaraz taldeak oinarriak berritu ditu, eta, besteak beste, independentzia galdegingo du aurrerantzean. Euskalgintzak ere bide bera egin dezala nahi dute kideek.
COVID-19a: urtebete gure artean

Izurri arorako lezioa

Arantxa Iraola

Zientzia ezinbestekoa izan da COVID-19a ulertzeko. Miren Basaras, Izortze Santin eta Ana Galarraga batu zituen BERRIAk 'online' solasaldi batean, ikasteko, ikasitakoa kontatzeko eta azken lezioak esplikatzeko; sarean dago.

Marienea barruko mural bat. ©Marienea

Eragiteko topagunea

Natalia Salazar Orbe - Bizkaiko Hitza

Hainbat herritan emakumeen etxeak sortzen ari dira. Portugaleten, esaterako, emakumeen ahalduntzea eta ahizpatasuna helburu nagusi dituen leku bat osatzen ari dira. Galdakaon, erreferentziazko toki bat eratu nahi dute.

Jendea paseatzen, Bilbon, iazko maiatzean. ©LUIS TEJIDO / EFE

HAMAIKA BIDE EBAKI DITU

Edurne Begiristain-Mikel P.Ansa

Gaur urtebete da SARS-CoV-2 birusaren lehen kasuak atzeman zirela Euskal Herrian. Lehen kasu haien ondorengo erauntsiak milaka lagunen bizitza jo du: birusaren ondorioz, 5.000 lagun hil dira, eta 20.000 inguru ospitaleratu behar izan dituzte. Urtebetean, hamaika bizitza zeharkatu ditu gaitzak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna