Albistea entzun

ZUZENDARIEN GALEUSCA

Murgiltzea

Vicent Partal - 'Vilaweb'-eko zuzendaria

2022ko martxoak 27

Dakizuen bezala, Maria eta Martxelo, hizkuntza murgiltzea funtsezko gaia da Katalunian. Ez hizkuntzari dagozkion arrazoiengatik bakarrik, baita kohesio sozialari lotutakoengatik ere. Erran behar da, halere, murgiltze hori oker aplikatzen zela, batez ere bigarren hezkuntzan, eta Kataluniako Printzerrian bakarrik, Valentzian eta Balearretan ez baitzegoen murgiltze eredurik. Ipar Katalunian, berriz, bressolak dituzte: murgiltzea horietan aplikatzen da hobekien, baina ikasle guztien parte bat bertzerik ez dute hartzen, ez txikia.

Berriki izan den oldarraldi judizialak eskolen %25 gaztelaniaz ematera behartu ditu ikastetxeak, eta horrek asaldura handia eragin du herritarren artean; preseski, asaldura hori hainbat modutan azaleratu da egunotan. Hasteko, greba egin zuten hezkuntza arloan, eta, sindikatuen arabera, parte hartzea %40 izan zen. Ez dirudi anitz, baina kontuan hartu behar da aitzineko astean lau eguneko lanuztea egina zutela, eta jende andanak parte hartu zuela manifestazioetan.

Gobernua, bertzalde, krisia hasi zenetik ohi duenez, ez zen aritu egoerak eskatzen zuen mailan. Parlamentuan argazki bat ateratzen saiatu zen, bertzerik ez, baina hori ere ez zuen lortu. CUPek ez zuen agertu nahi izan argazkian, eta Juntsek kontseilari bat baizik ez zuen bidali. Ondotik, CUPek hezkuntza legea aldatzeko proposamen bat aurkeztu zuen, murgiltzea berriz ere babeste aldera, baina gobernuak ez zuen bat egin nahi izan.

Berririk interesgarriena, nolanahi ere, lehenbiziko epaiak kalte egindako gurasoek ekarri zuten, Canet de Mar herriko Turo del Bosc eskolakoek. Oroituko zaretenez, ikastetxe horretan hasi zen dena, familia batek eskolen %25 gaztelaniaz eman zedila eskatu zuelarik, gelako bertze guzien iritziaren aurka. Bada, hain zuzen, familiek egin dute gobernuak egin ez duena: salaketa bat aurkeztu dute, murgiltze eredura itzultzeko eskatuz, eta, beharrezkoa balitz, prest daude Europako auzitegietara jotzeko ere. 28 familiak jarri dute kereila, familia bakar batek jarritakoak kalte egin dielako.

Gobernua osatzen duten alderdiek ERCk eta Juntsek, jarrera horrekin erabateko kontrastea erakutsi, eta jakinarazi zuten azkenean hitzarmen bat egin dutela PSCrekin eta Catalunya en Comukoekin, Hizkuntza Politikako Legea aldatzeko eta, hala, gaztelaniaren presentzia irmoki ezartzeko irakaskuntzan, oraingo honetan legez. Irudikatuko duzuen gisan, erabakiak izugarrizko haserrea piztu du. Baina, egia erran, dugun gobernu independentista negargarri honek egiten duen deus ez zait harrigarri jada.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.