Albistea entzun

ENBAXADA BILA

Tsunamia

Vicent Partal - VilaWebeko zuzendaria

2019ko azaroak 17

Tsunami Demokratikoak muga administratiboak itxi berri ditu berri Emporda eta Villespir artean eta Gipuzkoa eta Lapurdi artean, eta oihartzun handiko albistea da hori: espektatiba berri eta interesgarriak piztu ditu, eta horien artean dago, jakina, gure bi herrialdeek elkar babestea eta elkarlanean aritzea.

Ekiteko eta antolatzeko metodoari dagokionez, ez da harritzekoa mugimendu horrek hainbesteko interesa piztu izana mundu osoan. Atentzio handia ematen du haren berritzailetasunak. Aireportua okupatzeko deia egin zuenean, esaterako, gai izan zen hegazkineratzeko milaka txartel erosi eta inprimatzeko, hartara Poliziari lana zailtzeko. AP-7 autobidearen okupazioa hasi berritan ere, agertoki oso bat muntatu zuen minutu gutxi batzuetan, bere foku eta guzti, eta aire zabaleko sukalde bat, eta baita, are, komun eramangarri bat ere, hantxe, bideen erdian. Iparraldetik trabatu zuen errepidea, eta, Behobian, ibilgailuak erabili zituen mobilizatzeko tresna gisa. Gauza berri asko dira, kontzeptu apurtzaile asko, eta normala da arreta piztea.

Horixe gertatzen da bereziki aplikazioarekin. Tsunamiaren app-a pertsona batek beste bati pasatuz aktibatu daiteke soilik: app-a desblokeatzeko, jadanik aplikazioa badaukan norbaitek pasatu behar dizu QR ospetsu hori. Horrela, konfiantzazko kate zinez fidagarri bat sortu da, modua eman duena jende ugari konektatzeko —40.000 lagun dagoeneko— esparru oso seguru batean. Badugu, hain zuzen, horren erakusgarri bat: asteazkenean, Tsunamiak Gironako AHTaren geltokian manifestatzeko deia egin zuen, baina, aldi berean, bere jendeari abisatu zion deialdi faltsua zela, Polizia distraitzeko eta, hala, autobidea lasai hartzeko. Emaitza tatxagabea izan zen, eta Tsunamiak berriz ere erakutsi du fenomeno berritzaile bat dela eta zeresan handia emango duela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...