Albistea entzun

Osasunak bolada txarra eten nahi du, Sadarren Elxi irabazita

Jon Ander De la Hoz -

2021eko azaroak 28

Sevilla, Reala eta Atletico Madril talde indartsuen aurka galdu eta gero, Osasunak Elxen aurkako partida baliatu nahi du garaipenaren bidera itzultzeko. Herrialde Katalanetako talde hori jaitsiera postuetan dago —18.a da sailkapenean—, eta azken sei partidetan ez du irabazi. Hargatik, gorritxoek bihar Sadarren jokatuko duten partida (21:00, Movistar) gako izan daiteke onbidera itzultzeko.

Uste hori du Jagoba Arrasate Osasunako entrenatzaileak ere: «Hiru jarraian galdu ditugu, eta eten egin behar dugu bolada hori. Garaipen batekin lortzea espero dugu, eta horretan saiatuko gara. Partida garrantzitsua da, jaitsieraren muga ezartzen duen taldearen aurka, eta uste dut joera bat iragar dezakeen neurketa izango dela».

Lehen sailkatuen aurka pilatutako porrotei iraulia eman nahi die Osasunak, eta Sadarren egindakoak hobetzea du xede. Arrasateren esanetan: «Etxean ariko gara berriz ere; han ez ditugu emaitza onak lortu, eta hobetu beharra daukagu».

Azkenaldiko hutsuneez gain, biharko norgehiagokan Lucas Torroren hutsunea izango du Berriatuko teknikariak. Jokalari gorritxoak bosgarren txartela ikusi zuen aurreko partidan, eta zigortuta dago.

Bigarren Maila gaur eta bihar

Osasuna nola, bihar ariko da Bigarren Mailako euskal talderik onena ere. Eibarrek Girona hartuko du Ipuruan (21:15). Armaginak bigarren daude ligako sailkapenean, eta goiko postuetan segitzea dute xede.

Aldiz, suspertzeko asmotan ariko dira Amorebieta eta Reala B. Zornotzarrek Zaragoza hartuko dute Lezaman (16:15), eta txuri-urdinen taldeak Teneriferi egingo dio bisita.

Orain baino garai hobeak izandako taldeak diren arren, Zaragoza eta Tenerife hezur gogorrak izango dira Amorebieta eta Reala B igo berrientzat. Bizkaitarrak eta gipuzkoarrak jaitsiera postuetan daude gaur-gaurkoz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Oilar bat, eta hautagai asko

Oilar bat, eta hautagai asko

Beñat Mujika Telleria

Gaur hasiko da Espainiako Vuelta, Utrechten. Roglic da faborito nagusia, baina lesio batetik atera berri da. Aurten bi etapa amaituko dira Euskal Herrian, eta hirugarren bat Bilbotik abiatuko da
 ©JUANJO OTAZU
 ©JAIZKI FONTANEDA / FOKU

«Utzita etor nintekeen, baina nahiago nuen Realarekin etetea»

Iñaki Berastegi

Alavesen aurreneko denboraldia du Jon Guridik. Erronka «polita» dela uste du erdilari azpeitiarrak, nahiz eta aitortu duen hasieran «atzera eragiten» ziola Espainiako Bigarren Mailan jokatzeak.
Hondarribia, Urdaibai, Cabo eta Castro, Bermeon, 2003ko irailaren 20an, TKE ligan. ©RAUL BOGAJO/ FOKU

Bare bezain bizi

Aitor Manterola Garate

Traineruen Kluben Elkartearen (TKE) liga 20 urte ari da betetzen aurten. Arrauna «modernizatu» du, eragile batzuen ustez. Bide «okerretik», doa besteren aburuz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...