Albistea entzun

Lasa eta Zabala, bi euskal abizen

Tolosarren bahiketa eta hilketa pantaila handira eraman ditu Pablo Malo zuzendari donostiarrak
Unax Ugalde aktoreak Iñigo Iruin abokatuaren pertsonaia egiten du pelikulan.
Unax Ugalde aktoreak Iñigo Iruin abokatuaren pertsonaia egiten du pelikulan. BERRIA

Gontzal Agote -

2014ko urriak 11

Euskal Herriko gertuko historiaren pasarte beltzenetako bat eraman nahi izan du pantaila handira Pablo Malo zuzendari donostiarrak. Izenburuak argi uzten duen moduan, Lasa eta Zabala bi gazte tolosarren bahiketa eta hilketaren inguruko filma da. 1983. urteko gertaera horiek pelikula bihurtu ditu, eta orduko pasarte beltzak irudietara eraman ditu.

Zuzendariaren esanetan, ez du «onen eta gaiztoen» pelikula bat egin nahi izan, berriro halakorik gerta ez dadin lagundu nahi izan du filma egiteko orduan. Jakinik eremu labainkorra urratzen ari zela, gertatutakoaren aurrean «zintzo» jokatu nahi izan duela azpimarratu du behin eta berriz Malok.

Hala ere, eta espero zen moduan, filmak jakin-min handia piztu du, eta hura estreinatu aurretik, Espainiako hainbat hedabide saiatu ziren horren inguruko polemika pizten. Donostiako Zinemaldian estreinatu zuten, lehiaketaz kanpo, eta bertan filmak era guztietako iritziak eragin zituen, besteak beste hunkidura eta kritika politiko gordina.

Torturaren inguruko sekuentziek zeresan handia eman zuten. Ez soilik gordinak zirelako, baizik ez delako ohikoa torturak horren xehetasun handiz pantaila handian erakustea.

Izatez fikziozko filma da Lasa eta Zabala, ez baita dokumentala, eta generikoki thriller judizialaren barruan egoten ahal da. Dena den, istorioa kontatzeko orduan, gertaeretatik ahalik eta gutxien urruntzen saiatu da zuzendaria. Horretarako, oinarri sendo bat zuen: sumario judiziala, han jasoak baitira frogatuta gelditu ziren gertaerak eta protagonisten deklarazioak.

Horixe da Lasa eta Zabala-k segitu duen hari nagusia, eta horregatik, hainbatetan dokumentaletik gertu-gertu dagoen pelikula da. Hala ere, filmak asmatuak diren elementu gutxi batzuk ere baditu. Pelikula euskaraz eta gazteleraz dago filmatuta, eta horrela estreinatuko dute zinema aretoetan, gaztelerazko azpidatziekin.

1983. urtean, Joxean Lasa eta Joxi Zabala bahitu zituzten Baionan. Haien arrastoa erabat galduko da, hamabi urte geroago haien gorpuak Alacanten lurperatuta aurkituko dituzten arte. Familien abokatuak eta bere laguntzaileak prozesu judizial luzea hasiko dute errudunak zigortuak izan daitezen. Azkenean, Intxaurrondoko kuarteleko hainbat guardia zibil epaitu eta kondenatuko dituzte bi gazteak bahitu, torturatu eta hiltzeagatik.

Lasa eta Zabala Pablo Maloren hirugarren film luzea da. 90eko hamarkadan bideogintzan trebatu zen donostiarra, eta 1995ean bere lehen film laburra zuzendu zuen, El ángel de mármol. Hurrengo urteotan hainbat pelikuletako gidoiak idatzi zituen: Olentzero: un cuento de Navidad; Arditurri...

Goya saria

2004an bere lehen film luzea idatzi eta zuzendu zuen, Frío sol de invierno. Adrian eta Gonzalo gazteen istorioa zen drama gordinaren ardatza, eta filmak oso harrera ona jaso zuen. Urte horretan Pablo Malok zuzendari berriaren Goya saria jaso zuen. Unax Ugalderekin lehen elkarlana izan zen pelikula hori.

Bigarren filmarekin ez zuen horrenbesteko zorterik izan. 2006koa da La sombra de nadie, nahiko oharkabean pasatu zen Istorioa 60ko hamarkadan dago girotuta, eta misterioa eta drama uztartzen dituen thriller-a da...

'LASA ETA ZABALA'.

Zuzendaria: Pablo Malo.

Aktoreak: Unax Ugalde, Francesc Orella, Oriol Vila, Jon Anza, Cristian Merchan, Ricard Sales, Javier Mora, Iñaki Ardanaz.

Herrialdea: Euskal Herria.

Urtea: 2014.

Iraupena: 107 minutu.

Ostiralean estreinatuko dute Hego Euskal Herrian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©RAUL BOGAJO / FOKU

«Pasioari esker heldu naiz nagoen lekuraino»

Olatz Enzunza Mallona

Aspalditik ari da dantzan Krego, 12 urterekin hasi baitzen dantzatzen. Egun, Euskal Herriko dantzaririk beteranoenetako bat da, eta oraindik ere ez du erretiroa hartzeko asmorik. Dantzaren mundua oraindik «ezezaguna» dela azpimarratu du.
Mikel Zumeta Donostiako Zinemaldiko BERRIAko kritikarietako bat, atzo, Maria Cristina hotelean. ©JON URBE / FOKU

Allenen hiria, ohiko Donostia

Urtzi Urkizu

Donostiako turismo bulegoak ibilbide bat prestatu du Woody Allenen 'Rifkin's festival' filmeko eszenetako tokietan oinarrituta. Bide osoa oinez edo bizikletaz egin daiteke.
Ramon Olasagasti. ©Irati Saizar Artola - Gipuzkoako Hitza

«Idaztearekin zerikusia duen lanbide bat nahi nuen, garbi nuen»

Irati Saizar Artola - Gipuzkoako Hitza

Lanbide ezberdinetan arituagatik, mendia eta natura beti izan ditu gertu Olasagastik; kazetaritza lanetan, itzulpengintzan zein sortze lanean, mendia izan baitu gehienetan oinarrian. Mendiaren inguruan dabil orain ere, komiki bat idazten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna