Albistea entzun

KRITIKA. Musika

Erdizka

Marta Garcia -

2022ko martxoak 29

Euskadiko Orkestra

Zuzendaria: Georg Mark. Abeslariak: Iruñeko Orfeoia, Olga Pasitxnyk (sopranoa), Johann Kristinsson (baritonoa). Egitaraua: J. Brahmsen Requiem aleman bat. Lekua: Donostiako Kursaal auditoriuma. Eguna: martxoak 25.

Kursaalean jazo dira jada musikari eta abeslari masa handia eskatzen duten programa sinfoniko-koralak, abesbatza egitura sendoa dela-eta gure inguruan bereziki estimatzen direnak. Haatik, pandemia hasi zenetik lehen aldia da Euskadiko Orkestraren programazioan abesbatza eta instrumentuak batzen direla, hain zuzen, hildakoen aldeko mezen artean erreferentzia obra bat eskainiz: Johannes Brahmsen Requiem aleman bat. Jatorrizko liturgian erabiltzen ziren latinezko hitzak ez ziren, antza, «nahikoa paganoak» Brahmsentzat, eta Luteroren Biblian oinarritu zen, jatorrizko testuan ohikoak diren bortizkeria eta erregu kutsua baztertuz eta salbazioaren itxaropenari bidea irekiz.

Orkestraren idazketak zein bakarlarien parte hartzeek ageriko garrantzia duten arren, obra hau funtsean korala dela baieztatu daiteke, abesbatzak bihurtzen baitu testua egia. Iruñeko Orfeoiak dinamika onez hasi zuen lehen Selig sind die da Leid tragen hunkigarria, baina berehala agertu zen interpretazio osoa kutsatu eta obraren izaera bera lausotu zuen gabezia bat: orkestran zein abesbatzan, ez bakoitzean ez haien artean, ez zegoen jarraitutasunik. Georg Marken batuta ere ez zen errealitate hori ematzen saiatu, edo akaso bere ahaleginak nahasiak izan ziren guztiz.

Laugarren mugimendutik aurrera abesbatzak arnasa berotuta zuela zirudien, batez ere sopranoen kasuan; Denn es wird die Posaunen schallen fortissimo zatian, aldiz, guztiz sendo aritu ziren, distiratsu, irribarrea eta ahotsa opaku bihurtzen dituzten maskaren oztopoa gaindituz. Johann Kristinsson zuzen, nahiz eta emisioan zertxobait motz geratu; Olga Pasitxnyk sopranoak kolore ederra zabaldu zuen erdiko erregistroan, ez hala nota altuetan, Ihr habt nun Traurigkeit samurra ilun ebatziz.

«Zorionekoak Jaunarekin bat eginik hiltzen direnak», dio azken bertsoak. XIX. mendean ernetzen hasi zen existentzialismoak erakutsi zigun heriotzaren kontzientzia dela ziurtasun gizatiarrena, denak berdintzen gaituena. Requiem guztiontzat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.