Noiz sortua: 2018-07-06 00:30:00

Iruñeko Udalak ez du ikurrina jarriko gaurko txupinazoan

Berria -

2018ko uztailak 6

Ikurrina Iruñeko udaletxean jartzea eragozteko «izaera juridikoko mehatxua» dagoela ohartarazi du Joseba Asiron alkateak, eta jakinarazi du horregatik ez dutela balkoian jarriko Espainiako, Europako eta Iruñeko banderekin batera, gaur, sanferminen hasiera iragartzeko txupinazoan. Asironek adierazi du udaletxeko masta bat utziko dutela hutsik, «debekatutako identitateak» daudela adierazteko. «Egiaz kezkagarriena da gaur egun Europan, Nafarroan eta Iruñean jendea egotea pentsatzen duena banderak debeka daitezkeela», salatu du.

Ikurrina 1981ean jarri zuten azkenekoz, eta 2015ean berreskuratu zuten. Urte hartan, Nafarroako instituzio nagusietan izandako aldaketa politikoaren lehen erakusleetako bat izan zen erabaki hori.

Baina 2016ko ekainean, Nafarroako Auzitegi Nagusiak ebatzi zuen neurria lege iruzurra izan zela, 2003ko Nafarroako Ikurren Legeaz eginiko interpretazioaren arabera. Hala, urte hartan hutsik geratu zen bosgarren haga. Dena den, ikurrina era ez-ofizialean azaldu zen balkoietako batean, EH Bilduko zinegotzien eskuetan.

2017ko martxoan, Nafarroako Parlamentuak Ikurren Legea indargabetu zuen, eta urte hartako bestetan jarri zuten berriz ikurrina. Aurten, baina, Administrazioarekiko Auzien Iruñeko Epaitegiak kontrako epaia eman du, erabakiak legezko babesik ez duela iritzita, eta 8.000 euroko isuna jarri dio udalari. Epaimahaiak dio Ikurren Legea indargabetuta ere, beste legerik ez dagoela ikurrina jartzea baimentzen duena.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 4an eguneratua. ©BERRIA

Koronabirusaren azken datuak

Berria

Azkeneko 24 orduetan zortzi lagun hil dira COVID-19 gaitzaren eraginez. Bederatzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.607 gaixok eman dute positibo guztira, koronabirusa atzemateko probaren bat eginda. Horietatik 2.086 hil dira. Grafikoak, albiste barruan.

Ertzaintzaren kontrol bat, Kantabriako (Espainia) mugan. ©Aritz Loiola / Foku

Madrilek gaur argituko ditu hirugarren fasearen ezaugarriak

Berria

Fase berean dauden erkidegoen artean mugitzea libre izango ote den esango dute, baina Espainiako Osasun Ministerioak atzo esan zuen ez dela halakorik erabakiko, ez bada erkidegoek euren kabuz erabateko normaltasuna ezartzea ebazten dutela.

Alemaniako Esslingen hirian klima larrialdia aldarrikatzeko eginiko protesta bat, apirilean. ©RONALD WITTEK / EFE

Eredu ekonomikoari, zapata ekologikoak

Maite Asensio Lozano

'COVID-19 osteko Euskal Herriko ekonomia ekologikoaren alde' manifestuaren bi sustatzaile elkartu ditu BERRIAk, Ingurumenaren Nazioarteko Egunaren harira. Zientziak mahai gainean jarritako ebidentziei erreparatuta, «norabidea aldatu» behar dela esan dute, eta urrats sendoak eskatu dizkiete gobernuei.

Herritarrak paseoan, Donostiako Ondarreta hondartzaren ondoan. ©JON URBE / FOKU

Hirugarren fasera igaroko da Hego Euskal Herri guztia

Ainhoa Larretxea Agirre

Espainiako Osasun Ministerioak baieztatu du berria. Eguerdian aterako dira gobernuko ministroak hirugarren faseari buruzko azalpenak ematera

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna