Albistea entzun

HIZPIDEAK

«Xireen Abu Akleh naiz»

Amagoia Mujika Tolaretxipi -

2022ko maiatzak 12 - @mmuxika

Zertan ari zen Xireen Abu Akleh palestinarra atzo goizean Jeninen, Zisjordania okupatuan? Keinu egin zuen, militarrek han zegoela ikus zezaten. Kazetarien txalekoa zeraman, baina frankotiratzaileari bost: bazekien nor zen. Tiro hilgarria egin zion. Zergatik sartu zen oraingoan ere frankotiratzaile israeldarren teleskopioaren miran? Palestinarren kontrako gehiegikeriak salatzeko eginkizuna zuelako. Al-Jazeera katearen bidez sartu zen palestinarren etxeetan bi hamarkada baino gehiagoan, eta hemen ere iturri emankorra zen han gertatzen ari denari buruz jakiteko.

«Ze albiste ikaragarria. Xireen telebistan ikusiz hazi ginen. Hunkituta nago, erabat», idatzi du Twitterren Linah Alssafin Al-Jazeerako produktoreak. Gogora ekarri du Israelek 2000. urtetik 50 kazetari baino gehiago hil dituela.

Abu Aklehren hilketak ere ez du balioko israeldarren sarraskiak amaitzeko —pasaporte estatubatuarra izateak sor dezake ezinegon apur bat—, baina oso garrantzitsua da palestinarrak munduan kokatzeko egin duen lana.

Eta bazekien hori. Bigarren Intifadaren garaian, 2002an, hau idatzi zuen: «Kazetaritza aukeratu nuen gizakiaren ondoan egoteko. Litekeena da zaila izatea errealitatea aldatzea, baina, gutxienez, ahots hau mundura eraman ahal izan dut. Xireen Abu Akleh naiz».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.