HILBERRIA. Juan Huarte

Kulturaren mezenas eta sustatzailea

BERRIA

Mikel Lizarralde -

2018ko irailak 11
Enpresa gizona zen Juan Huarte, baina batik bat kultur sustatzaile nekaezina izan zelako nabarmendu zen. Jorge Oteizaren obrarekiko interesak bultzatuta, obra mordoxka erosi zizkion urtebetez, artistak Sao Pauloko (Brasil) 1957ko erakusketa presta zezan. Hor hasi zen kulturarekin izango zuen harreman luzea; larunbatean hil zen, Madrilen, 93 urte zituela.

Oteizarekin hasi zen, eta gerora Jose Antonio Sistiaga, Rafael Ruiz Balerdi eta Javier Saenz de Olza arkitektoaren lanak bultzatu zituen Huartek, eta 1972an Iruñeko Topaketak sustatu zituen, arte esperimentalaren alorrean aitzindariak izan zirenak. Urte batzuk lehenago, 1963an, X films ekoiztetxea sortu zuen, egile-zinema bultzatzeko asmoarekin. Hain zuzen ere, Sistiagaren Ere erera baleibu icik subua aruaren izan zen ekoiztetxearen lanetako bat. 1980ko hamarkadara arte iraun zuen.

Altzuzan Oteizaren omenezko museoa zabaltzeko proiektuaren sustatzaile nagusietakoa ere izan zen, eta Oteiza Fundazioko patronatuaren lehen presidentea ere izan zen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna