Albistea entzun

HIZPIDEAK

Lehen arreta zaindu

Martxelo Otamendi Egiguren -

2022ko urtarrilak 6

Aireportua omen da sekula egon gabeko herrialde batera iritsitakoan herrialde horri buruz lehen irudia ematen dizuna: nolako aireportua, halako herrialdea. Topiko guztiek bezala, ez du beti asmatzen. Lehen arreta da akatsik egiten ez duena, ordea, osasun sistema baten irudia egiteko orduan. Topatuko duzunaren lehen fotograma da, datorkizunaren aurrerapena.

COVID-19ren pandemiak agerian utzi ditu gure osasun sistemen zuloak, eta lehen arretan nabaritu dira argien gabezia horiek. Pandemiak gora egin duen aldiro gainezka jarri ditu herritar gehienentzat oinarrizkoak diren zerbitzu horiek, osasun zerbitzuekiko lehen harreman eremua baitira. Ulergarria izan zitekeen hori gertatzea aurreneko olatuetan, ustekabeak denok nola jokatu ez zekitela harrapatu dituenean. Baina erabili dira olatuen arteko barealdiak bat baino egon dira, osasun profesionalek eta haien elkarte eta sindikatuek behin eta berriro eskatu duten bezala, akats horiek zuzentzeko?

Ziurgabetasun handiak aurreikuspen egokiak egitea zaildu duela onartuta ere, ohartu behar dugu lehen arretak behar bezalako zerbitzua ez eskaintzeak larritu egiten duela herritar askoren osasun egoera, horren garrantzitsua den detekzio aurreratua atzeratzen duelako. Osasun arloko sindikatuek mobilizazioak iragarri dituzte 23rako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...