Albistea entzun

HIZPIDEAK

Enegarren krisia

Martxelo Otamendi Egiguren -

2021eko azaroak 23

Aurrekontuena izan ohi da legebiltzar batean urteko bozketarik garrantzitsuena, diru publikoa zertan eta nola gastatuko den zehazten duelako. Hartaraino, non kolokan geratzen den aurrekontuak onartzea lortzen ez duen gobernua.

Katalunian, 2021eko otsailean egindako hauteskundeen ondoren, ERCk eta Juntsek osatzen duten gobernuko lehendakari ERCko Pere Aragones izendatzea adostu zuten bi alderdiok, CUPen babesarekin. Komeni da gogoratzea PSCko Salvador Illak irabazi zituela hauteskundeak. Aragonesi babesa eman zioten hiru alderdien arteko adostasun falta eguneroko ogia izan da aurten Kataluniako politikan. Eserleku baten aldea atera zionez ERCk Juntsi (33-32), oso aukera gutxi dauka ERCk Juntsi ezer ezartzeko.

2022ko aurrekontuen eztabaida dator, eta, ikusita CUP ez dagoela gobernuak prestatutako aurrekontuak bere hartan onartzeko prest, Comukoekin egin du azken orduko akordioa Aragones presidenteak. Erabaki horrek enegarren krisia sortu du koalizio gobernuan: Juntsen arabera, Aragonesek Comukoekin egindako akordioak aldatu egiten duelako Aragones presidente izendatzeko akordioa, CUP ere biltzen zuena.

Topatu beharko dute moduren bat gobernabidean dauzkaten ezadostasunek ez dezaten eragotzi prozesuari berriro ekiteko elkarlana.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...