Albistea entzun

Katalunia. Masen proposamena A-9aren ondorenerako

Gobernuko kontseilari guztiek deklaratuko dute A-9aren auzian

Prozesu parte hartzailearen «erantzunkide» jo du bere burua Generalitateak.

Kataluniako fiskalak, salaketa guztiak TSJCn biltzearen alde
Kereilaren kontrako protesta, herenegun, Sant Jaume plazan.
Kereilaren kontrako protesta, herenegun, Sant Jaume plazan. MARTA PEREZ / EFE

Xabin Makazaga -

2014ko azaroak 26

Jose Francisco Valls Gombau epailea hasi da A-9ko bozketagatik Artur Mas, Joana Ortega eta Irene Rigauren kontra Estatuko Fiskaltzak ezarri zuen kereila aztertzen. Kataluniako Justizia Auzitegi Nagusiak (TSJC) tramitera onartuko balu Generalitateko presidentearen, presidenteordearen eta Hezkuntza kontseilariaren kontrako salaketa, Generalitatea auzian parte izango dela eta gobernuko kide guztiak deklaratzeko prest daudela adierazi zuen atzo Françesc Homs Presidentetza kontseilari eta gobernu bozeramaileak.

Kataluniako Gobernua bere osotasunean A-9ko prozesu parte hartzailearen «ko-erantzule eta solidario» dela nabarmendu du Homsek, Generalitateko zuzendaritza batzordeak astearteroko bilera egin ostean, eta erantsi du kontseilari guztiek beren gain hartzen dituztela Masi, Ortegari eta Rigauri Estatuko Fiskaltzak egotzitako salaketak. Hiru agintarien defentsak eskatuko luke gobernu osoak auzian deklaratzea, TSJCk azkenean epaiketa egitea erabakiko balu. Aurreko astean, Estatuko Fiskaltzak salaketa ezarri aurretik, CiU, ERC, ICV-EUiA eta CUPen talde parlamentarioetako buruak ere auto-inkulpatu egin ziren A-9agatik.

Valls Gombau epailearekin batera, TSJCko presidente Miguel Angel Gimenok eta Enric Anglada epaileek osatuko dute Mas, Ortega eta Rigauren kontrako kereila tramitera onartu edo ez erabakiko duen aretoa.

Fiskalak, TSJCren zain

Kataluniako lau probintzietako fiskal buruak eta Jose Maria Romero de Tejada fiskal nagusia, A-9agatik Generalitateko kideen kontra jarri diren salaketa guztiak kausa berean bildu eta TSJCn aztertzearen alde agertu dira. Bartzelona, Girona, Lleida eta Tarragonako fiskal buruak atzo bildu ziren Kataluniako fiskal nagusiarekin, eta, TSJCk kereila onartu edo ez erabaki arte, auzitegietan dauden salaketak bere horretan mantentzea adostu dute. Izan ere, salaketa batzuk ikastetxeetako zuzendarien eta bestelako funtzionarioen kontrakoak dira, eta saihestu egin nahi dute salaketa horiekin aurrera egin eta azkenean TSJCk Mas, Ortega eta Rigauren kontrakoa artxibatzeko arriskua.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio
Turkiaren erasoaren aurkako manifestazio bat, azaroaren 20an, Qamixlin. ©EFE

SDFek jakinarazi dute eten egin dituztela AEBekin egiten ari ziren operazioak

Igor Susaeta

Milizia kurduak indar nagusitzat dituen eta Pentagonoaren babesa duen koalizioa ohartarazten ari zen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.