Albistea entzun

KRITIKA. dFeria

404 Error

Agus Perez -

2021eko martxoak 20

'Siveria'

Ekoizpen etxea: K Producciones. Egilea: Javier Suarez Lema. Zuzendaritza: Adolfo Fernandez. Eszenografia: Emilio Valenzuela. Soinu-eremua eta ikus-entzunezkoak: Naiel Ibarrola. Argiak: Edu Berja. Interpreteak: Sonia Almarcha, Adolfo Fernandez, Marc Parejo. Lekua: Donostiako Antzoki Zaharra. Eguna: martxoak 18.

«Not found» edo «404 Error» esaten digu pantailak gure bilatzaileak zerbitzaria aurkitzen ez duenean, eta zenbaki horren esangura baliatuta sortu zuen Yelena Klimova errusiar kazetariak Haurrak 404 izeneko webgunea, herri hartako LGTBI haur eta nerabeek jasaten duten bazterkeriari aurre egin eta haiei babes emozionala emateko. Putinen itzalak, ordea, presio pean jarri zuen kazetari aktibista, eta Klimova irabazle irten zen bataila legaletan, baina 2019an hilik agertu zen San Petersburgoko kale batean, gorputzean hainbat sastakada jasota.

Siveria antzezlanaren izenak webgune hari erreferentzia urruna egiten dio, baina gaia berbera da, halako moldez non antzerki dokumentaltzat eta guzti jo baitezakegu, errealitate horren deskribapenean oinarritu baita. Argumentuaren garapena, aldiz, gehiago zentratu da hiru pertsonaien barne draman eta egoerak sortutako suspensean.

Esan bezala, Javier Suarez Lemak (Corcubion, Galizia, 1979) hiru pertsonaia baino ez ditu sortu antzezlan honetarako —Klimova bera, hura galdekatzen duen polizia, eta kazetariarekin bizi den lagun bat—, eta haietariko bakoitzak joko handia eman du bere dentsitate dramatikoagatik. Hasierako eszena galdeketa-gelan gertatu da, batere atarikorik gabe, eta horretan hasiko gara ezagutzen polizia adeitsuaren pentsamendu atzerakoi orokorra eta partikularki homofoboa. Egia esan, aukera garbia egin du egileak polizien artean ona baino ez aurkezten, uste orokortua izaten delako edukaziozko jendea ez dela genero kontuetan hain erasokorra. Tragediaren benetako muina, ordea, ikusleak espero ez duen unean eta ezusteko leku batetik etorriko da, eta alde horretan esan daiteke egileak maisuki jokatu dituela bere kartak.

Alderdi eszenikoari begira, txukuntasun handikoa iruditu zaigu bere itxura erdi naturalista erdi eskematikoa. Izan ere, oso dotore geratu da argiztapen diskretu baina efikazaren laguntzaz, galdeketa gela eta Klimovaren etxea leunki desberdinduta eta pantailak zein proiekzioak neurrian erabilita. Azkenik, Adolfo Fernandezen zuzendaritzapean erritmo lasaia baina sostengatua eduki du emanaldiak, dramatismo merkeetan jausi gabe eta sinesgarritasun osoa hartuz hiru antzezleen jardun eredugarriari esker.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Oscar Gomez eta Esperanza Lopez —ezkerretik hasita, lehenengo biak—, hiru performerrekin batera. ©Iñigo Uriz / Foku

'Harrespila' ikuskizuna Oteiza museoan eskainiko dute asteburuan

Ane Eslava

L'Alakran taldearen performance bat da. Oteizaren teorietatik abiatuta, cromlech bat osatuko dute parte hartzaileekin batera. Hamabi saiotan egingo dute, eta izena emateko aukera zabalik dago.

Ekoizleak, zuzendaria, aktore nagusiak eta instituzioetako ordezkariak, pelikularen aurkezpen prentsaurrekoa baino lehen, atzo, Bilboko Azkuna zentroan. ©MONIKA DEL VALLE / FOKU

Hilezkor izateak ikaratuta

Amaia Igartua Aristondo

Gaur estreinatuko dute Igor Legarretaren 'Ilargi guztiak' filma, Bilbon, Fant jaialdiaren inaugurazioan. Heriotzak eragiten duen beldurraz dihardu, hilezkortasuna lortzen duen pertsonaia baten begietatik

 ©MONIKA DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna