Nafarroako PPk jakinarazi du hainbat herritara joango dela herritarrak «ohartaraztera»: adieraziko die Nafarroako Gobernua «euskara inposatzen» ari dela. Tuteran hasiko dira, larunbatean. Hau izango da leloa: Gehiengoa errespetatzeari bai, euskara inposatzeari ez. «Inposizioaren» adibide gisa, hauek aipatu ditu Ana Beltran PPko presidenteak: bide seinaleak euskaraz ere badaudela eta gobernuko erantzungailuak euskarazkoa duela lehen hitza.
Ekainaren 2rako manifestazio bat antolatua dute argudio horiekin. Horren bueltan hitz egin du Nafarroako Gobernuak. Maria Solana bozeramaileak adierazi du «kosta» egiten dela manifestaziora deitzeko argudioak ulertzea: «Inposizioa? Zer, nola, noiz, nork, zerena?». Nabarmendu du gobernuaren egitekoen artean dagoela hizkuntza eskubideak errespetatzea.
Euskara Nafarroan
«Inposizioez» ohartarazteko bira bat egingo du PPk
Iruzkinak
Ez dago iruzkinik
Ordenatu