Albistea entzun

Iñaki Salvadorrek gidatuta, Mikel Laboa omenduko dute Donostiako Jazzaldian

'Mikel Laboaren oroimenez' emanaldia antolatu dute uztailaren 26rako. Guztira 34 euskal musikari arituko dira Donostiako 53. Jazzaldian
Donostiako Jazzaldiko kideak eta euskal sortzaileak, atzo.
Donostiako Jazzaldiko kideak eta euskal sortzaileak, atzo. JUAN CARLOS RUIZ / FOKU Tamaina handiagoan ikusi

Maider Galardi F. Agirre -

2018ko maiatzak 24 - Donostia

«Euskal pop-rocka eta jazza sasoiko daude». Hala, Donostiako Jazzaldiko Miguel Martin zuzendariak azaldu du aurten «ezin talde aproposagoak» izango direla jaialdian. Guztira 34 euskal talde eta bakarlari arituko dira uztailaren 26an hasi eta 29ra bitarte. Urtarrilean ekin zioten egitaraua osatzeari, eta hautatze prozesu baten ondoren aukeratu dituzte hiriko hainbat oholtzatan arituko diren musikariak. Besteak beste, Iñaki Salvadorrek, Nerabek, Izarok eta Amateurrek parte hartuko dute.

Hain justu, Iñaki Salvador piano jotzaile eta zuzendariak antolatu du Mikel Laboa oroimenez emanaldia. Abeslariaren piano jotzailea izan zen hainbat urtez, eta, Laboaren heriotzaren 10. urteurrena dela baliatuz, omenaldia egingo diote hainbat musikarik. Besteak beste, Ainara Ortega abeslaria, Angel Unzu gitarra jotzailea, Hasier Oleaga bateria jotzailea eta Javier Mayor de la Iglesia kontrabaxu jotzailea izango dira uztailaren 26an Viktoria Eugenian egingo duten kontzertuan. Laboaren pieza ezagunak jazzera ekarriko ditu Salvadorrek.

Horretaz gain, lau hilabetez hiriko hainbat taulatan aritu diren hamar talde aukeratu dituzte jaialdirako; hala nola Double Drums Quartet, Ana Bejerano eta Albericola. Gainera, Musikenerekin akordioa eginda, bertako hiru talde ere arituko dira, baita zenbait irakasle ere: «Ikasleentzako aukera aparta da bertan jotzea, oholtza profesionalak ezagutzeko aukera baitute», azaldu du zentroko zuzendari Miren Iñargak.

Goi mailako musikariak

Hain justu, Jon Insausti Donostiako kultur zinegotziak nabarmendu du euskal musikariek duten maila handia. Horregatik nahi du Jazzaldia «nazioarteko leiho bat» izatea eta «euskal musika indartzeko» aukera bat bilakatzea. Martinek bereziki aipatu du Michel Portal: «Jazz arloan ezagunena den euskal musikaria da» .

Zurriolako oholtzan ere izango da euskal musikarien presentzia. Uztailaren 26an arituko da Izaro Andres, eta 27an, berriz, Amateur eta Mikel Erentxun izango dira. «Ilusioz» hartu dute Jazzaldian parte hartzeko gonbidapena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

 ©GORKA RUBIO / FOKU

«Ez dakit hizkuntzak ez ote nauen ni menderatzen nik bera baino gehiago»

Itziar Ugarte Irizar

Mundu baten bukaera bizitzearen kontzientziaz eta pertsonala eta kolektiboa «harmonizatzeko» nekeaz aritu da 'Landura' lan berrian. Hamargarren poema liburua du, eta, bide horretan, komunitate bati idaztearen sentipena izan du lagun.

Bingen Zupiria sailburua eta Aizpea Otaegi Errenteriako alkatea, atzo, liburuaren egileekin. ©ANDONI CANELLADA / FOKU

Arbola sendoa musikaren ekosisteman

Naroa Torralba Rodriguez

'Musikaste 1973-2022. Euskal musikaren 50 urte' liburua eman du Eresbilek. Jaialdiak mende erdia bete duela-eta argitaratu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.