Hamabostaldiko emanaldiak Donostiatik kanpora, beste udalerri batzuetara, eramaten ari da oraingoan ere Musika Aitzaki zikloa. Programa horren barruan, Conductus Ensemble Hondarribian (Gipuzkoa) ariko da gaur, 20:00etan. Jasokundeko eta Sagarrondoko Andre Mariaren elizan egingo du emanaldia.
Iazko udan, ziklo beraren barruan, Senperen (Lapurdi) aritu zen Andoni Sierrak gidatutako ahots taldea, eta Johann Sebastian Bachi eskainitako kontzertu monografikoa egin zuen. Gaurko emanaldian ere Bach izango da protagonista. Izan ere, konpositorearen moteterik ezagunenetako bat interpretatuko du ahots taldeak: Jesu, meine Freude BWV 227 motetea.
Horrekin batera, Domenico Scarlatti konpositorearen obra erlijioso nabarmenetako bat eskainiko du, Stabat Mater, hamar ahotsetarako partitura espiritual konplexua.
Conductus Ensemble Hondarribian arituko da gaur kantuan
Iruzkinak
Ez dago iruzkinik
Ordenatu