Albistea entzun

Bilbo Basket

Jaume Ponsarnau: esperientzia emango dio

Valentzian egindako lana Bilbora ekarri nahi du orain Jaume Ponsarnau Bilbo Basketeko entrenatzaile berriak. Saskibaloi «alaia, dinamikoa eta dibertigarria» proposatzen du.

MIGUEL ANGLE POLO / EFE Tamaina handiagoan ikusi

Pettan Uralde -

2022ko irailak 27

Ostiralean ekingo dio Surne Bilbo Basketek ACB ligari, eta Bizkaiko taldeak aukera ona izango du denboraldiaurre osoan izan dituen mamuak uxatzeko. Lesio larriak izan dituzte, ezin izan dute jokalari guztiekin entrenamendu bat bera egin, eta, gainera, emaitzak ez dira onak izan. Alegia, Jaume Ponsarnau entrenatzaile berriak (Tarrega, Herrialde Katalanak, 1971) erronka izugarria izango du.

Izen eta esperientzia handiko entrenatzailea da Ponsarnau, eta Jon Txakartegik (Donostia, 1977) ondo baino hobeto ezagutzen du. Ponsarnauren laguntzailea izan zen bi denboraldiz Gipuzkoa Basketen, lagun minak dira. Ponsarnau ligako entrenatzaile «onenen artean» ikusten du. «Saskibaloia ulertzen eta lantzen duen modua goi mailakoak dira. Normalean haren taldeek oso ondo jokatzen dute. Egiten duten saskibaloia dinamikoa, alaia eta dibertigarria da».

Jokoaren inguruan duen ideia bukaeraraino eramaten duten horietakoa da. «Urte hauetan ez da aldatu haren planteamendua. Valentzian asko ikasi du. Europan jokatzeak eta txapeldun izateak esperientzia eta konfiantza handia eman dio. Horrek asko lagundu dio bere joko proposamena hobetzeko. Kontzeptu berri asko sartu dizkio bere jokoari, eta aurretik zituenak osatu egin ditu».

Kanpotik ikusita, entrenatzaile metodiko eta serioa dela pentsa daiteke, baina kontrakoa da. «Normalean, beti esaten du ez duela ezer inposatu nahi. Jokalariek bere joko proposamenean sinistea, haiek konbentzitzea, lortu nahi du. Gero, egia da, exijentzia maila handia duela. Baina harekin harremana oso gertukoa da, eta, normalean, oso tratu ona izaten du jokalariekin. Multzoa oso ondo kudeatzen du, jokalari guztiak izaten ditu sartuak, eta bakoitzak oso argi du zer egiteko duen. Multzoa da harentzat garrantzitsuena».

Bilbo Basketek Txapeldunen Liga jokatuko du bigarrenez, eta hori izan da entrenatzaile berria bilatzeko garaian kontuan hartutako gauzarik garrantzitsuenetako bat. Txakartegik argi dauka, «oso ondo» etorriko zaiola Bilbo Basketi Ponsarnauren esperientzia. «Gainera, bi talde oso desberdinekin jokatu du Europan: Valentziarekin eta Zaragozarekin. Valentzia taldea Europan jokatzera oso ohituta dago, baina Zaragoza ez. Bi esperientzia horietatik asko ikasi du, eta bi ikuspuntu desberdin horiek izatea oso lagungarria izan daiteke». Bilbo Basket aurreko denboraldian ere ibili zen Europan: «Helburutzat hor egonkortzea badute, Ponsarnau oso garrantzitsua izan daiteke. Taldea lehiakorra izatea lortuko du».

Haren lehen zertzeladak ikusi dira. Horietan sakondu du Txakartegik: «Erasoan talde dinamikoa izango da Bilbo Basket. Baloia azkar mugitzea bilatuko du, kontraerasoan azkarrak izatea, eta atzean talde landua izango da. Badauzka gogorrak izateko jokalariak, eta hori izango du lehentasuna. Defentsan kontzeptu argiak izango ditu, eta aurkariari gauzak zail jarriko dizkion taldea izango da».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Stephanie Frappart epailea, aginduak ematen. Lehen arbitro emakumea izan da gizonen Munduko Kopan. ©G.LICOVSKI / EFE
Richarlison de Andrade Brasilgo aurrelaria, Serbiari sartutako bi goletako bat ospatzen. ©ANTONIO LACERDA / EFE

Oinutsik daudenak gogoan ditu

Eñaut Agirrebengoa

Pobreziak eta indarkeriak zipriztindutako umezaroa bizi izan zuen Richarlison de Andradek. Hori guztia ahaztu gabe, distira egiten ari da orain Brasilen, bederatzidun elastikoarekin.

Ignacio Sanchez Galan Iberdrolako presidentea Qatarko emir Tamim bin Hamad al-Thanirekin, Espainiako Errege Jauregian. ©IBERDROLA

Petrolioa, gasa eta perlak

Irune Lasa

Qatarko funts subiranoaren, eta, beraz, errege familiaren jabetzak itzelezkoak dira. Erregai fosiletatik lortutako dirutzak mundu osoan inbertitu dituzte, ordain ekonomiko eta politikoen truke

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.