Sanferminak Iruñean. Pamplonesaren 100. urteurrena. Jose Miguel Serrano. Pamplonesako musikari ohia

«Pamplonesa da festetako momentu garrantzitsu askoren banda»

BERRIA

Iñaki Martinez Azpiroz -

2019ko uztailak 11
Jose Miguel Serrano (Iruñea, 1956) 1981ean sartu zen Pamplonesan, eta bederatzi urtez aritu zen bertan.

Zer izango lirateke sanferminak Pamplonesa gabe?

Ez zen pentsatu ahal izanen. Pamplonesa da festetako momentu garrantzitsu askoren banda; dianetakoa, adibidez.

Eta Pamplonesa sanferminik gabe?

Ezberdina izango zen. Pamplonesak bi alde ditu: serioa, kontzertu klasikoena, eta sanferminetakoa, festetakoa. Berezi egiten gaitu horrek. Beste hiri askotako musika bandek lehena besterik ez dute.

Zer harreman izaten duzue dianetara joaten den publikoarekin?

Hurbila. Goizeko zazpietan badakigu jendea pixka bat edanda egoten dela. Hala ere, errespetatzen gaituzte. Iruñekoak dira dianetara joaten diren asko, eta oso momentu intimoak ematen dituzte.

Sanferminetan baduzu txoko berezirik?

Mañueta karrika. Txurro denda bat dago hor, eta, urtero, egun batean, txurroak eta patxarana ateratzen zizkiguten.

Zer alde on eta zer alde txar zituen Pamplonesan jotzeak?

Onak dira bizi izandako gertakari guztiak. Agian, sanferminetan lana ere egin behar banuen, gogorra izaten zen, baina, bestela, erabat gozatzen nituen jaiak.

Gaupasa edo bermuta?

Bermuta; eguna gustatzen zait niri.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna