Albistea entzun

BAKARRIZKETA

Fagor Etxetresnak erosi nahi izan zuen enpresaria kondenatu dute

BERRIA Tamaina handiagoan ikusi

Xabier Martin -

2020ko urtarrilak 5

1. Kooperatiba zena erosteko, preso sartzeko moduko eskaintza egin zuen? Kataluniako CNA taldearenarekin alderatuz, eskaintza txikiagoa egin zuen Aljeriako Cevital taldearen jabe Isaad Rebrabek. Fagor Etxetresnak bereganatzeko 2014ko udako saio hori dela eta, Euskal Herrian ezagun zaharra da enpresaria, baina ez diote kartzela zigorrik jarri Arrasateko etxetresnagile ospetsua erosi nahi izan zuelako, bere korporazioaren kontuetan legez kontra aritzeagatik baizik; horrela ebatzi du Aljeriako epaile batek, eta hemezortzi hilabeteko kartzela zigorra ezarri dio.

2. Ederki hasi du urtea... Ondo baino hobeto hasi du, ez pentsa, sei hilabete baizik ez dituelako bete behar, eta, apirilaren 22an atxilotu zutenetik kartzelan egon denez, urtarrilaren lehenean atera da libre.

3. Beraz, kondena badago, baina libre utzi dute. Lagun batzuk baditu, ezta? Galdetu Emmanuel Macron Frantziako presidenteari. Azken urtean hainbat bisita egin dizkio Parisen; ez da zaila Google bilatzailean haien izenak sartu eta elkarrekin aurkitzea argazkietan. Baina Rebrabek baditu gertuko beste lagun batzuk; adibidez, Aljeriako presidente ahalguztidun izandakoa apirilaren 2ra arte: Abdelaziz Buteflika.

4. Ea... apirilean eman zuen dimisioa Buteflikak, eta hogei egun geroago atxilotu zuten Aljeriako enpresari handiena. Ez da kasualitatea, ezta? Ez, Watson maitea. Isaad Rebrarb Aljeriako lehen fortuna da, Afrikako herrialde horretako aberats handiena; Buteflikaren oso gertukoa da, eta, boterea uztera behartu zutenean, kaleko protesta eta istilu handiak tarteko, Esku Garbien kanpainaren ehiza nagusia bihurtu zen Cevitalen jabea. Ahmed Gaid Salah armadako jeneralak zuzendu du ustelkeriaren aurkako Esku Garbiak mugimendua.

5. Eta orain, libre dela, negozioarekin jarraituko du? Esan beharrik ere ez dago: epe baterako inhabilitazioarekin zigortu duten arren, itzalean gidatzen jarraituko du 1998an fundatu zuen Cevital industria talde handia. Mundu osoan 18.000 enplegu ematen ditu konpainia horrek hainbat jardueratan arituz: janariak, banaketa, etxetresnak —Frantziako Brandten jabea da, Fagor Etxetresnak kooperatibarena izan zena—, elektronika, altzairua...

6. Justiziak garbi ikusi behar izan du delitua neurri horretako eragile ekonomiko-politikoa kondenatzeko, ezta? Iruzur fiskala, finantzarioa eta aduana esparrukoa egotzi dizkiote, eta, kartzela zigorrarekin batera, isun handiak ezarri dizkiote: 10,3 milioi eurokoa bat eta 20,6 milioikoa beste bat.

7. Gaitasuna ba ote du isun handi horiei aurre egiteko? Kar-kar-kar! Forbes aldizkariaren arabera, 74 urteko enpresaria 3.400 milioi euroren jabea da. Harentzat baino malkartsuagoa izango da zuretzat urtarrileko aldapa, ez kezkatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ekainaren 22ko Mercedeseko langilen lanuztea. ©Jaizki Fontaneda /FOKU

Bi greba egun bateratu adostu dituzte Mercedeseko sindikatuek

Julen Otaegi Leonet

Lanuzteak ekainaren 30ean eta uztailaren 6an egingo dituzte ELA, LAB, ESK, UGT, CCOO, Ekintza eta PIM sindikatuek. «Denak batera eta pankarta berarekin» irtengo dira langileak.

Isabel Rodriguez bernuko bozeramailea, Ministroen Kontseiluaren bilkuraren osteko prentsaurrekoan. ©J.J.Guillen / EFE

Celsak 550 milioi euro jasoko du, erreskaterako

Julen Otaegi Leonet

Ministroen Kontseiluak gaur bertan onartu du azkenean siderurgia talde horri erreskatea ematea.

Vladimir Putin, joan den ostiraleko irudi batean. ©MIKHAIL METZEL / EFE

Errusia ordainketa etenduran erori da

Irune Lasa

AEBek jarritako zigorren ondorioz, Errusiak atzerriko dibisetan dituen bi zor bonuren hartzekodunei ez zaizkie iritsi jaso beharreko interesak

Jatetxeak itxita eta jende oso gutxi Pekingo kaleetan, maiatzean. ©MARK R. CRISTINO / EFE

OMIKRONAREN KOLPEA

Olatz Urkia

Mundua koronabirusarekin bizitzen hasi den honetan, Txinak ez du bertan behera utzi nahi kutsaturik gabeko estrategia. Eta ordaindu beharreko prezioa altua da. Pandemia hasi zenetik bi urte baino gehiago pasatuta, orain hartu du Txinako ekonomiak kolperik gogorrena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...