Albistea entzun

George Weah

Birritan errege

Futbolaren nazioarteko izar nagusietako bat izan zen Weah 1990eko hamarkadan. Pobrezian hazi, futbolarekin ospea lortu, eta, orain, Liberiako presidente izanen da.
AHMED JALLANZO / EFE Tamaina handiagoan ikusi

Mikel Rodriguez -

2017ko abenduak 30

Etxean, George Erregea erraten diote, eta hainbertze miresten dute, non nahiko lukete noizbait presidente izatea. Hala ere, hark zuhurtziaz hartzen du haren nazioaren egoera politiko hauskorra, nahiz eta alde guztiak etengabe saiatzen diren hura limurtzen. Haren herrialdea futbolaren bidez ezagutaraztearekin beteta dauka bizitzako eginkizun nagusia». Erresuma Batuko The Guardian egunkariak idatzi zuen hori George Weahi buruz 2000. urtean. Hilabete batzuk zeramatzan Londresko Chelsea taldean. Gain behera hasia zen haren kirol ibilbidea, baina zaleentzat George Erregea zen oraindik. Bertze hiru urtez eutsi zion futboleko erregetzari, eta presidentetzan ikusi nahi zutenek hamazazpi urte itxaron behar izan dute.

Hollywoodeko kirol filmen gidoi baten antzeko ibilbidea izan du Weahen bizitzak. George Ousmanu Oppong Weah Liberiako Monrovia hiriburuko auzune txiro batean jaio zen, 1966an. Umea zela, gurasoak banandu zitzaizkion, eta amatxik hezi zuen hamabi anai-arrebarekin batera. Telefono teknikari lanak eta futbola uztartzen ari zela, Frantziako ligako Monako futbol taldeko begiraleek amua bota zioten, eta 1988an Europara joan zen.

«Liberian hilko naiz»

Paris Saint Germainen eta, gehienbat, Milanen bihurtu zen Weah futbolaren izar historiko. 1995ean FIFAk urteko munduko jokalari onena izendatu zuen, eta Urrezko Baloia ere irabazi zuen. Nazioarteko fama hark idolo nagusi bihurtu zuen Liberian, eta herrialdean bertan ospe hori errotzen saiatu zen, futbol federazioa finantzatuz eta gobernuz kanpoko erakundeekin lankidetzan. «Liberiara joaten jarraituko dut. Han jaio nintzen, eta han hilko naiz», adierazi zion The Irish Times-i 1999an.

Hitza bete zuen, eta, futbolean erretiroa hartuta, 2004an itzuli zen, presidentetzarako hautagai izateko. Lehia hura galdu egin zuen, ordea. Futbolaren ospea bai, baina kanpainan Ellen Johnson Sirleaf arerioaren aldekoek Weahi eraso zioten goi mailako ikasketarik ez zuela nabarmenduta. Porrotaren ondoren, futboleko izar ohiak estrategiaz aldatu zuen: AEBetan enpresa zuzendaritza ikasketak egin zituen, eta 2009an itzuli zen Liberiara, senatari gisa aurkeztu eta karrera politiko bat hasteko. Astearteko hauteskundeetan jaso zituen fruituak. George Erregeak zain du orain errepublikako tronua. Iraganeko gerren lorratza bizirik duen eta pobreziak itota dagoen herrialde bat du gobernatzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernandez, azaroan, La Plata hirian egindako ekitaldi batean. ©DEMIAN ALDAY / EFE

Cristina Fernandezi sei urteko kartzela zigorra ezarri dio auzitegi batek

Mikel Elkoroberezibar Beloki

Ustelkeria leporatu diote, eta inhabilitazioa ezarri. Foruduna denez, Argentinako presidenteordeak babesa izango du 2023ko udaberrira arte

Errusiako armadako tanke batzuk ariketa militarrak egiten Rostov eskualdean, iazko urtarrilaren amaieran. ©EFE

Neguak gerrari eragingo dio

Igor Susaeta

Elurrak, hotzak eta eguzki orduen urriak baldintzatuko dituzte guda zelaiko mugimenduak eta horien ondorioz sortutako abaguneei eman beharreko erantzunak.
Indonesiako zigor kodearen erreformaren kontrako protesta bat, atzo, herrialdeko parlamentuaren parean, Yakartan. ©MAST IRHAM, EFE

Indonesiak urtebeteko espetxearekin zigortuko ditu ezkontzatik kanpoko sexu harremanak

Gorka Berasategi Otamendi

Parlamentuak zigor kodea moldatzea onartu du gaur. Erreformaren bidez, debekatu egin du apostasia, agintariak iraintzea eta aurrez abisurik eman gabe protesta egitea.

Kolonbiako eremu deforestatu bat. ©Mauricio Dueñas Castañeda, EFE

Deforestazioaren aurkako araudia adostu dute Europar Kontseiluak eta europarlamentuak

Gorka Berasategi Otamendi

Egitasmoaren helburua da baso suntsitzearekin lotutako salgaiak Europako Batasunaren merkatutik kanporatzea. Produktu jakin batzuk merkaturatzen dituzten enpresek ziurtatu beharko dute beren ekoizpen kateek ez dutela deforestazioa eragiten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.