Hamaikak eta Tropelak indarrak batuko dituzte Tourrean

Urtzi Urkizu -

2018ko uztailak 7
Aurreneko aldiz, Hamaika telebista eta Tropela.eus elkarlanean arituko dira Frantziako Tourrean, gaur hasi eta hilaren 28ra bitartean. Tropelako kideek egindako analisiak emango ditu datozen egunetan Hamaikak, bai telebistako seinalearen bidez, baita sare sozialen bitartez ere. «Munduko Koparekin egiten ari garenaren antzera, eragin globala duten egitasmo masiboei gure ikuspuntua eman nahi diegu, analisia, informazioa eta umorea uztartuz», esan du Hamaikako komunikazio arduradun Beñat Zarrabeitiak. Tropelan, bestalde, 16.707 kiniela eginak zeuden atzo arratsaldean.

Tourra EITBn zuzenean

ETB1ek eta EITBren webguneak zuzenean emango dute egunero Frantziako Tourreko etapen amaiera. Kontakizuna Fermin Aramendik, Xabier Usabiagak eta Pedro Mari Goikoetxeak egingo dute. Euskadi Irratian, Joxe Mari Apaolaza esatariak gidatuko du kontakizuna, eta komentarista taldean Jon Altuna, Txomin Perurena eta Mikel Astarloza egongo dira. Radio Euskadin, Dani Egaña ariko da gidari, eta Joseba Beloki izango du lagun.

Gaur, ETB4an hasiko dira etapa ematen, 10:55ean. Azkeneko kilometroak ETB1en ikusi ahalko dira, 15:00etatik aurrera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna