Albistea entzun

KRITIKA. Musika

Rock esperimentalaren tenorean

Peio Barrenetxea -

2022ko irailak 24

Tropical Fuck Storm eta Joseba Irazoki eta Lagunak

Non: Bilboko Kafe Antzokian. Noiz: Irailaren 22an.

Hitzordu bikoitz berezia bizi izan zen Bilbon ostegun gauez, Joseba Irazoki eta Tropikal Fuck Storm australiarren emanaldi banarekin. Rock-and-roll astinduek girotu zuten Bilboko Kafe Antzokia aspaldiko partez, urrezko garai horietan bezala, auld lang syne.

Emanaldia Joseba Irazoki eta Lagunak taldeak ireki zuen. Laukote nafarrak III (Bidehuts, 2021) azken lana aurkeztu zuen, hasierako gitarra kolpeekin ikusleriaren arreta erabat eurenganatuz. Beste musika talde batzuetan gehiago lerratu behar izanagatik ere, lastarik gabe aritu zen Irazoki Bilbon. Nabarmentzekoak izan ziren Etorkizuneko nostalgia, Egia eta gezurra eta Ikusezina kantak, zein baino zein diabolikoagoak. Disko kontzeptual batek ahalbidetu bezain beste aritu ziren gitarra doinuen herrestan, publikoaren gozamen etengaberako. Goi-tentsioko makina abian jarri zuten.

Gaueko izar nagusiak segidan azaldu ziren. Biarritzeko Atabal aretoan jotzetik zetorren Australiako Victoria estatuan ondutako Tropical Fuck Storm laukotea. Distortsioaren bideari eutsiz, kontinente australaren outback delakoa erakustera zetozela zirudien. Perkusio oinarri sendoak, gitarra doinu esperimentalak, eta geruza elektroniko osagarriren bat lantzean behin. Eta goi-tentsiodun azpiegitura horren muturrean, Gareth Liddiarden ahotan hitz parrasta itogarriak, erraietatik esanak ikara sentsazioa helarazten dutenak.

Oholtzapean zeuden eztarriak eragin zituen You Let My Tires Down kantak, Erica Dunn eta Fiona Kitschinen koru lasaigarriekin. Vibratoaren bitartez erdietsitako dardara sentsazioak jaulki zituzten Legal Ghost eta Rubber Bullies kantuek. Eta ez ziren falta izan The Bee Gees eta The Stooges talde mitikoei keinuak, Stayin' alive eta Ann ezagunen bertsioak medio.

Apenas ordu eta laurden iraun zuen emanaldiak ase gabe utz zezakeen rockzaleren bat edo beste, taldearen diskografia emankorrak kontrakoa aditzera eman dezakeen arren. Eska ziezaiokeen gauari Erica Dunnen bakarkako abestirik, Palm Springs taldean egin ohi duen bezala; edo Deep States (Joyful Noise Recordings, 2021) azkeneko lan luzearen lagin zabalago bat eskaintzea. Dena den, ikusleriarengan urritan zertzen diren emozio gordinak sortzearen errudun nagusitzat har genitzake Tropical Fuck Storm taldeko lau kideak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / @FOKU

Euskal Herrira itzuliko da gaur Patti Smith

Aitor Biain

Gasteizko Azkena Rock jaialdian eskainitako emanaldiaren ondotik, Euskal Herrira itzuliko da Patti Smith; Donostiako Kursaal auditoriumean ariko da gaur iluntzean. Punk-rockaren ikur handienetako bat da, eta Donostian emango dio amaiera Europa osoan egindako kontzertu birari.

Alex Sanvi eta Unai Iturriaga, atzo, Elkarreko komikiaren txokoan, Donostian. ©MAIALEN ANDRES / FOKU

Mundura atera dira H.B. eta Lo-li-ta

Itziar Ugarte Irizar

Unai Iturriagak eta Alex Sanvik 'Haur Besoetakoa. Itsasoan urak handi' komikia eman dute, Ikastolen Elkartearen eta 'Xabiroi'-ren eskutik. Orain arteko albumik «sendoena» dela uste dute

Alexei Volodin pianista, artxiboko irudi batean. ©EUSKADIKO ORKESTRA
Anari Alberdi. ©JABOGA MANTEROLA / FOKU

Prosaz haragoko udazken bat

Iñigo Astiz

Anari Alberdiren liburua da udazkeneko literatur nobedaderik deigarrienetako bat, baina Agirreren, Epaltzaren eta Ibarzabalen nobelak, Zalduaren ipuinak eta komiki esanguratsuak ere badira tartean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...