Albistea entzun

HAUR ETA GAZTE LITERATURA. 'Ez da kaxa bat'

Sinple bezain eraginkor

Idazlea: Antoinette Portis. Ilustratzailea: Antoinette Portis. Itzultzailea: Manu Lopez Gaseni. Argitaletxea: Pamiela-Kalandraka.

Imanol Mercero -

2017ko urriak 29

Artearekin lotura egiten du izenburuak, Magritteren Ceci n'est pas une pipe margolanarekin (pipa bat erretratatzen duena), eta baita Duchampen Iturria eskulturarekin ere (pixontzi bat jarri zuen izenburu horrekin erakusketa batean), esku artean jarrera probokatzailea eta aldarrikatzailea duen obra bat dugula gogorarazteko.

Liburu karratua da, tapa gogorreko azalekin, tamainaz ertaina (19x23 cm), eta eitez sinplea dirudiena.

Irudietan kartoizko kaxa baten inguruan dabilen untxi bat aurkituko dugu, narratzaileak kaxarekin zertan ari den galdetzen dionean, hura ez dela kaxa bat behin eta berriz esango duena.

Jakina, untxiarentzat jolaserako baliabidea da kaxa: orain kotxe dena, eta gero robota, ilustrazioekin garbi adieraziko zaigun legez.

Hori besterik ez da liburu hau, jostailu konplexu-garesti-sofistikatuek ordezkatu ezin duten irudimenaren aldarrikapena.

Zeharka, helduoi egiten zaigun errieta ere bada, etxea traste zaharrez betetzea gustatzen zaigunoi, bereziki.

Tarteka literaturak gogorarazi behar izaten digu begi-bistakoa dena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joanes Illarregi, bigarren final-laurdeneko irabazlea, gaur Arrasatek saioan. ©Andoni Canellada/FOKU

Joanes Illarregik irabazi du Arrasateko saioa

Miren Mujika Telleria

678 puntu bilduta lortu du lehen postua. Saioa Alkaiza izan du atzetik, bost punturen aldearekin.

Laura Mora, <em>Los reyes del mundo</em> filmeko zuzendaria (eskuinean), filmeko lantaldeko kideekin, atzo, Kursaaleko amaiera galan. ©ANDONI CANELLADA / FOKU

'Los reyes del mundo'-k irabazi du Urrezko Maskorra

Ainhoa Sarasola - Mikel Lizarralde

Laura Mora zuzendari kolonbiarrak bere herrialdeko bost gazteren istorioarekin eskuratu du jaialdiko sari nagusia. Genki Kawamura japoniarrarentzat izan da Zuzendari onenaren Zilarrezko Maskorra

Neil Jordan zinemagilea, Diane Kruger eta Liam Neeson aktoreekin, <em>Marlowe</em> filma aurkezteko agerraldian, atzo, Donostiako Zinemaldian. ©ANDONI CANELLADA / FOKU

Neil Jordanen 'Marlowe' filmaren lehiaz kanpoko emanaldiak itxi du Zinemaldia

Ainhoa Sarasola

Neil Jordanen 'Marlowe' filmaren lehiaz kanpoko emanaldiak itxi du Zinemaldia. Liam Neesonek egin du Philiph Marlowe detektibearena, eta Diane Krugerrek Clare Cavendish haren bezeroarena

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...