Noiz sortua: 2014-04-01 00:30:00

2014ko Iparraldeko herri bozak. Bigarren itzuliaren ondorena. Analisia

Ereduen higadura

Aitor Renteria -

2014ko apirilak 1
Nagusi da ezkerra Baionan, eta, hala ere, zentro-eskuinak atxikiko ditu hiriko giderrak ondoko sei urteotan. Etxeto sozialistak 26 bozengatik galdu du kargua, 30 hautesleku toki zirelarik. Eta errua berarekin bat egitea onartu ez duten zerrenda abertzale eta ezkertiarrena da Etxetoren iritziz. Txistuka hartu zituzten hautagai abertzale-Ezkerreko Frontekoak Herriko Etxean. Eskua zabaldu ziela erran zuen Etxetok, bertzeek hartu nahi ez. Alta, mende erdi batez zentro-eskuinak Lapurdiko hiriburua ukan ondoren, ezkerreko gehiengoa izanik, auzapez ez izatearen errua bere erantzukizuna da oinarrian.

Lapurdi hegoaldeko hirietan abertzale eta sozialisten arteko akordioa posible izan da. Baiona eta Angelun, ez. Horren arrazoia Ipar Euskal Herriarentzako instituzioarekiko ezadostasuna da nagusiki, euskararekiko jarrera. Txarrago oraindik, hauteskunde kanpainan egin diren «mehatxu», tindaketa, dei anonimoak eta afixen desitxuraketak ez du hurbiltzea erraztuko. Zerrendaburuak ikusi ez duena zerrendako bigarren den Colette Capdeviellek ikusi du. Porrota jaso eta biharamunean, hego Lapurdiko eredua aztertzera deitu ditu sozialistak. Egindako hautu estrategikoa okerra zela adierazteko bidea. Ezagutza instituzionalaren aldarria gero eta handiagoa dela dio Capdeviellek, Baionan hartutako kontrako norabidean eta, batez ere, berandu.

Iriart zerrendaburu abertzaleak onartu du zerrendako heren batek abantzu sozialisten alde bozkatu duela. Azterketa zorrotza eta pausatua egin behar dela azaldu du, egun ezinezkoa dena, etorkizunean posible bihurtzeko asmoz. Herriko Etxearen gakoa abertzaleen esku zen. Abertzaleekin tratua lortzearena, aldiz, sozialisten esku.

Angelun arazo bera ukan du jakobinismoaren ikur den Espilondo sozialistak. Errepublikaren balioak hain ditu bere, non bidelagunik ez duen atzeman bigarren itzulirako. Abertzale eta ezkerreko bertze indarrengana heltzeko zubiak mozturik zituen. Diagnosia bera bi hirietan. Instituzioari buruzko jarrerak ekidin ditu akordioak.

Abertzaleek egindako emaitzek, bi itzulietan, bertze ezker baten eredua badagoela erakutsi dute. Engoitik, sozialistek ondoan dituzte Ezkerreko Fronteko indarrak eta bereziki, ezker abertzalea. Aniztasun horretan elkarrenganako zubiak eraikitzen ikasi beharko dute. Abertzaleek herri gehienetan egin dute gora, baina lehen aldiz %10eko langa gainditu arren Lapurdi iparraldeko eremua aldapatsua dute, Miarritze, Bokale edo Angelu adibide. Programak garatu eta ondoko urteotarako alternatibak eraiki beharko dituzte, akordioetarako gutxieneko oinarriak finkatuz.

Akordioa zuten abertzaleek eta sozialistek Lapurdi hegoaldeko lau herritan. Hirutan porrota, eta bakarrean garaipena, Hendaian. Alta, Uztaritzeko adibideak erakusten du presak eta berehalako garaipen goseak ez duela uztarik ekartzen. Duela sei urte, gutxigatik ez zuten eskuratu abertzaleek Lapurdiko hiriburu historikoa. Orduan falta izan zuten sinesgarritasuna, eskuratu dute. Lanerako eredu.

Pariseko gobernuak ezezkoa eman zion Lurralde Elkargoaren eskariari, eta goiz ala berandu, Lurralde Kontratuaren ondotik, proposamena egin beharko du. Alta, engoitik, eskuinaren esku geldituko dira Herri Elkargo gehienak. Berriz ere, aldaketaren motore izateko aukera galdu dute sozialistek.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna