Antzeko lana egin zuten Danimarkak eta Australiak estreinakoan, baina oso bestelakoa izan zen lortu zuten emaitza: danimarkarrek 1-0 irabazi zioten Peruri, eta australiarrek 2-1 galdu zuten Frantziaren aurka. Aldea dago, beraz, baten eta bestearen egoeran: Europako selekzioa final-zortzirenetarako sailkatuko da gaur irabazita eta C multzoko beste partidan Peruk garaipena lortu ezean; Ozeaniakoak, berriz, ezin du berriro huts egin, galduz gero oso litekeena baita aurrera egiteko aukerarik gabe geratzea.
Estatistikak alde ditu Danimarkak: hamasei partida daramatza galdu gabe. Australiak, ordea, behin bakarrik irabazi du partida bat Munduko Kopa batean, 2-1 Serbiari duela zortzi urte.
Kvist ez da ariko, baina Knudsen prest dago jokatzeko. Australiarrek ziurrenik lehen partidako talde bera zelairatuko dute.
DANIMARKA-AUSTRALIA
Danimarka. Schmeichel; Stryger Larsen, Christensen, Kjaer, Dalsgaard; Schone, Delaney, Eriksen; Pione Sisto, Nicolai Jorgensen eta
Yurary Poulsen
Australia. Ryan; Behich, Milligan, Sainsbury, Risdon; Mooy, Rogic, Jedinak, Kruse; Juric eta Leckie.
Epailea. Antonio Miguel Mateu Lahoz (Herrialde Katalanak).
Lekua. Samara Arena (45.000 ikusle).
Ordua. 14:00 (Cuatro/Bein).
Errusiako Munduko Kopa
Danimarkak lehen aukera baliatu nahi du; Australiak, lehian segitu
Iruzkinak
Ez dago iruzkinik
Ordenatu
