Hemeretzi pertsona atxilo

Hemeretzi pertsona atxilotu zituzten poliziek atzoko protestetan. Gehienak, bederatzi, iluntzean; Iruñeko Morea merkataritza gunean protestan ari zirela atzeman zituzten. Burlatan (Nafarroa) lau atxilotu zituzten, goizean, Areta industrialdeko errepidea ixteagatik. Boroako industrialdeko bidea trabatzeagatik atxilotu zituzten beste bi lagun, Zornotzan (Bizkaia), eta beste bi Donostian, kutxa automatikoei eraso egitea leporatuta.