Albistea entzun

Josu Urrutikoetxea

«Instrukzioetako lardaskerien neurria ematen digu»

Ekhi Erremundegi Beloki -

2021eko irailak 14 - Paris

Parisko Auzitegitik atera berritan erantzun die Josu Urrutikoetxeak BERRIAren galderei. Zuhur eta berriz ere Frantziako auzitegiek nondik joko duten zain.

Epaileak ebatzi duenean prozesua irregulartasunez josia dela eta instrukzioa berriz hutsetik hasi behar dela, zer iragan zaizu burutik?

Areto berean epaitu dituzten euskal herritarrekin instrukzioetan egin diren lardaskerien neurria ematen digu erabakiak. Nire kasua horren segida bat izan da. Nolanahi egindako instrukzioa guretzat oso ezaguna zen Le Vert epaileak egindakoa izan zen nire kasuan [Laurence Le Vert]. Lotsagarria izan beharko litzateke horrenbeste goraipatzen duten justizian horrelako gauzak gertatzea. Hori gaur agerian geratu da, abokatuek egindako lanari esker. Positiboa da alde horretatik, agerian uzten duelako instrukzioaren funtzionamendua.

Hemendik aurrera zein bide egitea espero duzu?

Epaileak ebatzi duena aintzat hartuta, instrukzioa abiapuntura doa, epaile berri bat izendatu behar dute, eta zalantzan jartzen dute nire inplikazioa. Ez dago garbi ezta nola inplikatzen nauten ere; beraz ,ez dakit zer gertatuko den. Berriz ere deitu beharko naute, eta hutsetik hasi.

Zenbat iraun dezake honek?

Ez dakit; horiek haien tempusak dira, ez nireak.

Bitartean estradiziorik ez da izango, ez zaituzte Espainiara eramango.

Ni oraingoz Euskal Herrira noa. Nire kontra bi akusazio dituzte Espainian: bata, herriko tabernekin zerikusia duena, non diputatu garaian egin nituen bilkurengatik akusatzen nauten, eta hori onartua dago. Eta bestea, Zaragozako dosierra. 1996tik 2000ra espetxeratua egon nintzen, eta Garzon epaileak [Baltasar Garzon] ez zuelako aztarnarik ikusi ni inkulpatzeko, 2001ean Guardia Zibilak berridatzi egin zuen, eta zerikusirik ez dudan zerbaitetan inkulpatzen naute. Baina, afera frantsesak iraun artean, ezin naute estraditatu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gotzone Sagardui, Eusko Legebiltzarrean. ©Raul Bogajo / Foku

Donostia aldeko ESIan «pertsonen aldaketa bat» behar zela nabarmendu du Sagarduik

Jon O. Urain

Sailburuak azaldu du zuzendaritza berriak eta Osakidetzako buruzagiek «ikuspegi bera» dutela, eta «gertaera kate baten» ondorioz beharrezkoa zela Donostia aldeko ESIko zuzendaritza aldatzea.

Rebeka Ubera eta Maddalen Iriarte, Eusko Legebiltzarrean, artxiboko irudian ©Raul Bogajo/ Foku

EH Bilduk eta Elkarrekin Podemos-IUk ere azalpenak eskatu dizkiote Sagarduiri

Edurne Begiristain

Elkarrekin Podemos-IUk eta PP+C’s-k agerraldi bat egiteko eskatu diote sailburuari. PP+C's-ek Sagardui kargutik kentzeko eskatu dio lehendakariari.

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz - Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu dizkiote.

Agustin Agirre. / ©Goiena Komunikazio Taldea

Agustin Agirre izendatuko dute Donostia aldeko ESIko jarduneko zuzendari

Jon O. Urain

Osakidetzako zuzendaritzak ostiralean kendu zuen kargutik Itziar Perez. Loreto Marquet erizaintzako zuzendariordeak ere dimisioa eman du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...