Marixol Iparragirre eta Lola Lopez Brievako (Espainia) espetxean dauden euskal presoek, koronabirusaren gaitza dela eta, ziegatik ez irteteko eskaera egin zioten herenegun kartzelako zuzendaritzari, eta horrek onartu egin die eskaera. Telefonoz deitzera baino ez dira aterako ziegatik —COVID-19arengatik, astean lau dei gehiago dituzte orain: hamabi denera, zortzina minutukoak—. Jatekoa bertara eramaten diete. Iparragirreren eta Lopezenmoduluan dauden beste bi preso sozial ere ziegan geratuko dira; aldiz, beste hirurek ez dute neurri hori eskatu.
Gorka Fraile euskal presoa, berriz, apirilaren 5era arte etxean egongo da, Iruñeko kartzelara joan gabe. Urte hasieran, hirugarren gradua eman eta Nafarroako hiriburuko kartzelara ekarri zuten, eta, geroztik, egunez kalera atera ahal da. Koronabirusaren krisiagatik, Espainiako Barne Ministerioak erabaki du hirugarren graduan dauden presoak ez direla oraingoz espetxera itzuliko. Gobernuak asteon beste bi astez luzatuko du alarma egoera —apirilaren 12ra arte—, eta ikusiko da Fraileri ere etxean egoteko epea luzatuko dioten.
Koronabirusa
Ziegan gelditzea onartu diete bi euskal presori
Iruzkinak
Ez dago iruzkinik
Ordenatu