Euskaraldia babestuko dute legebiltzarrean

Gaur hasi eta abenduaren 4ra arte iraungo du Euskaraldiak, eta bide horretan atxikimendu ugari jasotzen ari da egitasmoa. Atzo Eusko Legebiltzarrean osoko bilkura amaitu ostean, ariketa soziala babesteko ekitaldia egin zuten, eta gaur, argazki kolektibo bat aterako dute talde politikoetako arduradunek. Egunotan babesa azaldu dute ELA, LAB eta Steilas sindikatuek, baita EAJ, Ezker Anitza, Nafarroako Ahal Dugu, Geroa Bai eta EH Bildu alderdiek ere, besteak beste.