PSE-EE, elkarrizketa eta akordio eske

Idoia Mendia PSE-EEren lehendakarigaia Miramongo Parke Teknologikoan (Donostia) izan zen atzo. Elkarrizketa eta akordioak ezinbestekotzat jo zituen ekonomia berreraikitzeko eta lanpostuak berreskuratzeko, eta elkarrizketarako mahaiak osatzea ere proposatu zuen. Bere alderdiaren bidea zein izango den ere zehaztu zuen: «Proiektu txikiak, gure komertzioak eta ETEak babestea».