EH Bildu, saltoki handiei galga jartzearen alde

EH Bilduko Bizkaiko ahaldungai nagusi Bea Ilardia Getxon (Bizkaia) egon da, bertako alkategai Nerea Guijarrubiarekin eta Iker Casanova legebiltzarkidearekin batera, eta han proposatu du oraingoz gelditzea saltoki handiak eraiki edo daudenak handitzeko proiektuak. «Ez da nahikoa esatea merkatari txikien alde daudela saltoki handiei alfonbra gorria jartzen zaien bitartean», esan du, EAJz ari zela.