GAKOAK

Berria -

2018ko abuztuak 23
Immatrikulatzearen definizioa da ondasun bat lehenengoz sartzea jabetza erregistroan.

1. Araudia. 1946ko Espainiako Hipoteka Legeak aukera eman zion Eliza Katolikoari titularrik ez zuten ondasunak bere izenean erregistratzeko, gurtza espazioak salbu. 1998an ,Aznarren gobernuak gurtza lekuak ere sartu zituen legean. 2015ean, araudia aldatu, eta immatrikulazioa egiteko aukera ukatu zioten Elizari.

2. Prozedura. Erregistroa egiteko nahikoa zen tokian tokiko apezpikuaren ziurtagiri bat, ondasuna Elizarena zela esanez.

3. 1.612 ondasun Hego Euskal Herrian. Ez dago Elizak bere izenean erregistratutako ondasunen behin betiko daturik. Datu ez-osoen arabera, Nafarroan 1.087 ondasun dituzte erregistratuta; Gipuzkoan, 388; Araban, 72; eta Bizkaian, 65.

4. Askotariko ondasunak. Elizak eta baselizak dira nagusi immatrikulatutakoen artean, baina bestelako tokiak ere erregistratu dituzte: lursailak, etxeak, lokalak, hilerriak, santutegiak, kaperak, santutxoak, plazak, kirol tokiak...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Informazio osagarria