«Gazteok ekarpena egin behar diogu euskararen aldeko borrokari»

«Beti euskararen aldeko borrokarekin bat» egin duelako joan zen atzo Unai Irigarai Donostiara, Auriztik. «Euskararen egoerak larritzen nauelako, eta uste dut gazteok ekarpena egin behar diogula euskararen aldeko borrokari, belaunaldi gisa indar bultzada berri bat ematea dagokigulako». Hain zuzen, «konpromiso horri lotuta» batu zen manifestaziora.