Albistea entzun

«Berariazko» lege esparrua behar dela gogora ekarri dute ikastolek

Ikasturte hasierako ekitaldia egin dute, lege bakar baten ezak dakartzan kezkez ohartaraziz
Ikastolen bilkura; aurrean, Bakartxo Tejeria, Koldo Tellitu, Iñigo Urkullu, Martin Garitano eta Cristina Uriarte.
Ikastolen bilkura; aurrean, Bakartxo Tejeria, Koldo Tellitu, Iñigo Urkullu, Martin Garitano eta Cristina Uriarte. I. ZABALETA / ARP

Arantxa Iraola -

2014ko irailak 28

Euskal hezkuntza sistema sustatu eta babesteko lege esparru «berariazko» baten falta, eta horren beharra, agerian geratu zen atzo, behin eta berriro, Andoainen (Gipuzkoa), Ikastolen Elkarteak ikasturtea abiatzeko egin zuen ekitaldian. Lehen hitzak —rap ahots ausartak— Seaskako ikasle talde batenak izan ziren: «Ikastola, herri eskola». Baionako Bernat Etxepare lizeoko ikasleak ziren, eta Ziburuko (Lapurdi) ikastolako —herriko etxeak kaleratu nahi ditu— sendien ondoan agertu ziren. Lege babesgabetasuna kritikatu zuten, eta Falloux legearen aurka egin zuten kantu; lege zaharra da —1850ekoa— baina hainbat herriko etxe ari dira erabiltzen «hezkuntza egitasmo pribatuak» ezin dituztela lagundu argudiatzeko. Atzo kritikatutako legeetako bat izan zen. Ez bakarra. Espainiako hezkuntza erreforma LOMCEren eragina hizpide izan zuten ekitaldiko hizlari gehienek. Eta Nafarroako «zonifikazio krudela» ere ahotan izan zuen Ikastolen Elkarteko lehendakari Koldo Tellituk: «Han ditugun ikastolak itolarrian daude».

Instituziotako ordezkaritza zabal bat izan zuten ikastoletako arduradunek ikasturtea hasteko: Eusko Jaurlaritzatik Iñigo Urkullu lehendakaria eta Cristina Uriarte Hezkuntza sailburua joan ziren. Gipuzkoako Foru Aldunditik, ahaldun nagusia: Martin Garitano. Eusko Legebiltzarreko lehendakari Bakartxo Tejeria ere bertan zen. Ikastolen proiektuaren mendeurrena —1914an izan zen ernamuina, Migel Muñoak Donostian hasiriko ikastegiarekin— oroitu nahi izan zuten ekitaldian, eta arrakasta izan zuen.

Ikastolen Elkarteko lehendakari Koldo Tellituk ezinbestekotzat jo zuen LOMCEri buruz zabal mintzatzea. Usu azaldu du Ikastolen Elkarteak —beste hainbat eragilerekin batera— Madrilek ezarritako erreforma horren inguruko ezinegona, eta legeari aurre egiteko «bide propioa» egitea ezinbestekoa dela ohartarazi zuen. Ingurumari horretan, Eusko Jaurlaritzaren zenbait jokaera ez dituztela «begi onez» ikusi azaldu zuen. Hain zuzen ere, Hezkuntza Sailak Balio Sozial eta Zibikoak ikasgaia ezarri izana —Espainia goratzeko edukiei muzin egin badie ere—, kritikatu egin zuen. «Laster atera behar diren curriculum-dekretu berrien esparruan berariazko erantzuna eman beharrean, LOMCEren garapena besterik gabe ezartzea proposatu da atal honetan».

Iñigo Urkullu lehendakariak, LOMCEren eragina «ahalik eta txikiena» izateko ahaleginetan ari direla nabarmendu zuen, baina hainbat muga ezin direla gainditu, eta ikasleen «ibilbide akademikoan» ezin dutela eragotzi hartzen diren erabakiek. Iaz Heziberri 2020 egitasmoa martxan jarri zela oroitarazi zuen, eta euskal hezkuntza sistema «indartsu eta iraunkor» bat eraikitzeko bidea martxan dela. Hain zuzen ere, hezkuntza lege berri bat egiteko asmoa dutela oroitarazi zuen.

Abiapuntu baten bila

Tellituk ere ontzat jo zuen Heziberrirekin abiatu den prozesua. «Baliagarria izan daiteke», azaldu zuen. «Curriculum esparrua, hura arautzeko dekretuak eta hezkuntza legea barnebiltzen baititu». Plana «Euskal Herri osorako» ez izatea eragozpen dela oroitarazi zuen: «Baina bada hezkuntza lege propio batera joateko urratsa, baldin eta bere osotasunean betetzen bada».

Ohartarazi zuen, baita ere, «sare publiko eta itunpekoen arteko dikotomia hautsi eta berdintasunez tratatuko dituen lege oso bat» beharrezkotzat dutela ikastolek. «Gure ustez ezinezkoa izango da gure hezkuntza sistema propioaren ardatzak definitzea, ez badugu aurretiaz definitzen zein izango den nahi dugun sistema publikoa, edota zertan oinarrituko den hezkuntzaren finantziazio eredu berria».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

<b>Iruñea.</b> Gauez, Estafeta eta Xabier karriken arteko bidegurutzea. ©J. DIGES / EFE

Jai eta asteburuetan Nafarroan etxeratze agindua jartzea onartu dute epaileek

Joxerra Senar

Gutxienez uztailaren 30era arte iraungo du, eta 141 udalerriri eragingo die. Auzitegi Nagusiaren ustez, gobernuak frogatu du gaueko bilkurak direla «kutsatze gehienen sorburu»
Eskoli sarekoen protesta, Parisen ©

Hizkuntza gutxituei buruzko txostena «dezepzio bat» da Eskolim sarearentzat

Ekhi Erremundegi Beloki

Hizkuntza gutxituak murgiltze ereduan irakasten dituzten itunpeko eskolen sareak salatu du Christophe Euzet eta Yannick Kerlogot diputatuek ez dituztela kontuan hartu haiekin elkartu zirenean jasotako oharrak.

 

Bizitza plataformak deitutako manifestazioa, Donostian. ©Jagoba Manterola / Foku

Haurrak eta gazteak txertatzearen kontra Donostian, osasun ziurtagiriaren aurka Baionan

Berria

Manifestazioa egin dute, Bizitza plataformak deituta. Aldarrikatu dute «osasuna eta askatasuna» eta haurrak eta gazteak «ez ikutzeko». Baionan, berriz, osasun ziurtagiriaren eta txertoak derrigortzearen kontra egin dute protesta.

Erizainak PCR probak egiten Aguraingo baheketan. / ©Raul Bogajo, Foku

2.200 kasuren langa gainditu dute Hegoaldean, bi egunetan jarraian

Maria Ortega Zubiate

Bizkaian izan dira, beste behin ere, kasu gehienak: Markina-Xemeinek du tasarik handiena. 56 ospitaleratzeren berri eman dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.