Albistea entzun

Koronabirusa

Birusaren hedatzeari dagokionez, garairik «txarrenetarikoa»

Gotzone Sagarduik onartu du zinetan zaila dela egoera, eta «aurreikuspenak» ez direla onak
Gotzone Sagardui, artxiboko irudi batean.
Gotzone Sagardui, artxiboko irudi batean. ENDIKA PORTILLO/FOKU

Arantxa Iraola -

2021eko abenduak 14

Eusko Legebiltzarreko Osasun Batzordean atzo egin zituen adierazpenetan, Gotzone Sagardui Osasun sailburuak garaiaren larria onartu zuen: «Egoera ez da ona». Iragarpenena ere bai: «Ez dago aurreikuspenik egoerak hobera egingo duela esateko». Horiek horrela, izurriari aurre egiteko indarrean dauden neurriak konplitzeko eskatu zuen; esan zuen neurri berriak ere aztertzen ari direla, baina ez zuen zehaztu zein izango diren. Transmisio datuak dira bereziki kezkagarriak. «Birusaren zabalkundeari dagokionez, garairik txarrenetariko batean gaude», azaldu zuen sailburuak. Osasun sisteman «presioa» agerikoa dela onartu zuen. Oro har, izurriari aurre egiteko kontingentzia plana bigarren fasean dago orain; Donostia ospitalean dago koska bat gora eginda. Lehen mailako arretan, halaber, Osakidetza hasia da «aparteko larritasunik» ez duten kontsultak atzeratzen.

Kontratazioak

Oposizioko taldeek galderak egin zizkioten Sagarduiri aztarnari faltaz, eta kritikak egin zizkioten COVID-19 kasuen jarraipena egiteko dauden zailtasunen harira. Sagarduik erantzun zuen, ordea, pandemiaren seigarren olatu honi aurre egiteko 943 kontratazio egin dituztela, eta zaintza epidemiologikoa egiteko lanetan orotara 600 bat profesional ari direla orain lanean. Izurriaren unerik gorenean 700 bat izan zirela azaldu zuen. Kritiken harira, erantzun zuen «lan kargaren» araberako kontratazioak egin behar dituela administrazioak. Orain egindakoak sei hilabeterako kontratuak direla azaldu zuen, eta «beharrezkoa bada» luzatuko direla. Esperantza jarria du «teknologia berriak» erabiliz positiboen jarraipena egiteko atondu dituzten protokolo berrietan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urkullu gaur, pleno monografikora sartzen. ©DAVID AGUILAR/EFE

Jaurlaritzak hilean 200 euroko laguntzak emango ditu seme-alaba bakoitzeko, 3 urte bete arte

Jone Arruabarrena

2023. urtean sartuko da indarrean neurria, eta urtean 100.000 euro baino gutxiagoko errenta daukaten familia unitateek jaso ahal izango dute laguntza hori

Maria Jesus Montero Ogasun ministroa ©JUAN CARLOS HIDALGO / EFE

Ogasun ministroa konpresen eta tanpoien BEZa jaisteko prest agertu da

Oihane Puertas Ramirez

Aurrekontuen proiektuan negoziatu nahi dute neurria, eta, ministroaren arabera, horrela Abortuaren Legean jaso izan balitz baino lehenago sartuko da indarrean. Negoziazioei «laster» ekitea espero du.

Aldak ekintza egin du goizean Baionako suprefeturan, kanpin bat muntatuz. ©Bob Edme

Iruzurrezko alokatze kontratuak jomugan ezarri ditu Aldak

Oihana Teyseyre Koskarat

Baionako suprefetura aitzinean behin-behineko kanpina muntatu dute, alokatzaile andana bat udan etxerik gabe gelditzen dela salatzeko. Prefetari gutun bat helarazi diote, botere publikoek gaiari begirako neurriak har ditzatela galdetzeko.

Ordezkari politikoak eta euskalgintzako eragileen ordezkariak, joan den larunbatean, Seguran, Udalerri Euskaldunen Egunean. ©IDOIA ZABALETA / FOKU

«Arnasguneetako garapen endogenoa» sustatzeko neurriak eskatu ditu Uemak

Olatz Enzunza Mallona

Estrategia demografikoari buruzko osoko bilkura monografikoa dago Eusko Legebiltzarrean. Uemak uste du hizkuntza politikaren ikuspegitik «gai giltzarria» dela, eta euskara estrategia horietan txertatzeko ekarpenak egin ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.