Albistea entzun

MARIJAIAREN ESAMESAK

«Hiri irekiak» ere baditu bere mugak

Zihara Jainaga Larrinaga -

2019ko abuztuak 21

Larunbat arratsaldean, Bea Sever pregoilariak irakurritako manifestuan Bilbo «hiri irekia» dela aipatu zuen. Zergatik? Besteak beste, jaietako une garrantzitsuenetako batean haur transexualen gurasoen elkarteari bozgorailua eman izanagatik. Baina momentu horretan bertan, eta oraindik jaien hasierako suziria jaurti gabe zela, Ertzaintza dagoeneko txosnetara gerturatua zen. Txori Barrote konpartsak dekorazioan jarritako presoen argazkiak kentzeko agindua zekarren esku artean. Igandean, ertzainak txosnan sartu eta kendu egin zituzten. Ez da lehen aldia: duela bi urte, Bizkaiko Elizbarrutiak Hontzak konpartsaren dekorazioaren aurka egin zuen. Eta, duela hamar urte, udalak txosna muntatzeko bi urterako baimena kendu zien Kaskagorri eta Txori Barrote konpartsei, txosnan presoen argazkiak eskegitzeagatik. Apaingarri baino gehiago kritika den dekorazioaren aurka egitea ba al da hiri ireki eta askearen ezaugarri?

Aste Nagusia irekia izan da sorreratik. Asmo horrekin sortu zen: bilbotar guztientzako jai askeak izateko. Aurten bete dira berrogei urte La Otxoa-k Libérate estreinakoz kantatu zuenetik. Belaunaldi oso batentzat sexu askatasunaren aldeko ereserki bihurtu zen. Baina, hala ere, Bilboko jaietan izan dira LGTBI kolektiboaren aurkako erasoak. Baita emakumeen kontrakoak ere. Aurten dagoeneko andre bik salatu dute eraso egin dietela. Atzo, gaitzespen mobilizazio jendetsua egin zuten Areatzan. LGTBI kolektiboak badu ikusgarritasun gehiago. Gizartean hedatuago dago eraso matxisten aurkako kontzientzia. Baina Bilbok gehiago ireki behar du oraindik, askeago izateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Nire lanbidea artearekin lotzen saiatzen nintzen beti»

Unai Etxenausia

Armestok biltegian gordeta zeuzkan lan batzuk aurkeztu ditu Gasteizko Zas Kultur Espazioan. Marrazkiek «pertsonen arteko komunikazioa eta inkomunikazioa» erakusten dute.
 ©ETB

«Beste gauza batzuk probatu nahi ditut»

Urtzi Urkizu

Igandean, Gurrutxagaren agurra izango da ETB1eko 'Herri txiki, Amerika handi' saioan. Zortzi denboraldiren ondoren, beste aurkezle bat arituko da 'Herri txiki, infernu handi'-n.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.