Albistea entzun

MARIJAIAREN ESAMESAK

Segurtasuna ez da gauza segurua

Lander Muñagorri Garmendia -

2019ko abuztuak 23

Astelehen goizean, Euskadi Irratian egon zen Juan Mari Aburto Bilboko alkatea. Aste Nagusiaren harira elkarrizketa egin zioten, eta hala galdetu zion kazetariak: «Duela bi urteko Aste Nagusiarekin alderatuta, Bilboko Udalak ia bikoiztu egin du festetako segurtasun operazioan parte hartuko duten udaltzainen kopurua. Zergatik eta zertarako horrenbesteko segurtasuna, behin eta berriro aldarrikatu izan duzuen moduan Bilbo hiri segurua bada?». Alkatearen erantzuna: «Hiri segurua izaten jarraitzeko». Jaigunea zaintzeko udaltzainen kopurua handitu du udalak, eta hori salatzeko kalejira egin zuten konpartsek txosnagunean. Areago, horien «jarrera gogorra» gaitzetsi zuten, batez ere kaleko saltzaileekin dutena. Hurrengo egunean egindako beste elkarrizketa batean, alkateak bueltan erantzun zien konpartsei gizartearen aurkako bidean doazela.

Jaiguneko segurtasunaren inguruko eztabaidak bete-betean hartu du aurtengo Aste Nagusia. Are gehiago asteazken iluntzean hainbat udaltzain eta ertzainek kaleko saltzaileei materiala kentzean sortu zen liskarra sortu eta gero. Jipoi banaketa «neurrigabea» salatu dute konpartsek. Bilbao Dendak merkatarien elkarteak, kontrara, udalaren jarrera babestu du, «legez kanpoko kaleko saltzaileen» aurka lan egiten jarraitu dezaten. Batzuentzat salmenta hori segurtasunaren aurkakoa baita, eta besteentzat, ordea, udaltzainen eta poliziaren jarrera «oldarkorra». Dena den, gauza bat argi geratu da: kalean udaltzain gehiago egoteak ez duela bermatu alde batek eta beste aldeak eskatzen duten segurtasuna.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Iñaki Etxeleku, Ipar Euskal Herriko Hitza

“Besta ez-komertziala izanen da; egiazko hartu-eman bat”

Iñaki Etxeleku, Ipar Euskal Herriko Hitza

Urriaren 31n Arimen Gaua lehen aldikoz ospatuko dute Itsasun, ikastolako eta beste bi eskola elebidunetako haurrekin. Trukea, harremana eta euskal kultura landu dituzte haurrekin.

Jendea Arbonako lur okupatuetan, gaur goizean, Lurrama jaialdiaren hasieran. ©Lurrama Elkartea

Lurrama jaialdia ospatu dute Arbonan

Berria

Kontzertuak, hitzaldi bat eta beste egin dituzte, eguraldia lagun. Arbonan kokatu dute aurten, okupazioari sostengua emateko.

Hainbat lagun hegazti migratzaileei behatzen, atzo, Lizarietako lepoan, Saran. ©GUILLAUME FAUVEAU

Txorien bidaia, largabistekin

Oihana Teyseyre Koskarat

Agorrilaren erditsutik hasiak dira hegaztien migrazio mugimenduak. Horiek zaintzeko lanetan ari da CPAL elkartea, Saran, Lizarietako lepotik begira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.