Albistea entzun

ITUNAREN OINARRIAK

Berria -

2015eko urtarrilak 16

Artur Masek eta Oriol Junquerasek ANC, Omnium Cultural eta AMIren babesarekin lortu duten akordioak irailaren 27an hauteskunde plebiszitarioak egin ahal izateko bidea argitu du, eta 2012aren amaieran izenpetu zuten legegintzaldi akordioa berritu dute. Hauexek dira akordioaren gakoak:

Hauteskundeen aurreratzea. ERCk eta ANC Biltzar Nazional Katalanak hauteskundeak martxora aurreratzea nahi zuten, udal bozen aurretik izan zitezen, eta A-9tik ez hain urrun. Masek baldintza jarri zuen zerrenda bakar bat osatzea, plebiszitu kutsu argiagoa emateko, eta bestela legealdia amaitzeko prest agertu zen. Azkenean urtebete aurreratu behar izan ditu hauteskundeak, baina zortzi hilabete irabaztea lortu du.

Zerrenda bereiziak. Hor ERCren irizpidea nagusitu da. Masek proposatutako herriaren hautagaitzaren aldean, independentziaren aldeko aterki beraren pean zerrenda bereiziek boto gehiago segurtatu eta Kataluniaren aniztasuna hobeto agertuko zuketela argudiatu izan du Junquerasek. Hauteskunde programetan, baina, independentziaren aldeko bide orri argi bat partekatuko dute.

Estatu egiturak. Irailaren 27a bitartean Ogasun propio bat eta bestelako «estatu egiturak» lantzeko konpromisoa hartu dute Masek eta ERCk. Lege eta administrazio aldetik, hauteskunde plebiszitarioen ondorenerako Kataluniak estatu independente bihurtzeko prestatuta egon behar duela askotan nabarmendu du Junquerasek. Hauteskunde administrazioaren lege bat lantzea hitzartu dute eta hezkuntza legeak lehenetsiko dituzte. ERCk izendatutako adituak Kataluniako Gobernuaren lan taldeetan sartuko dira.

Aurrekontuen onartzea. Masek legegintzaldia amaitzeko ageriko zailtasunak izango zituzkeen, ERCk 2015erako babesa ukatu zionetik aurrekontuak onartzeko bazkiderik ez baitzuen. Orain, kontu publikoak onartu ahal izateko negoziazioak berriro hastea onartu du ERCk; hain justu, datorren astelehenean berrekingo diete aurrekontuen tramitazioari Kataluniako Parlamentuak. Gizarte politikak eta estatu egituren prestaketa lehenestea hitzartu dute Masek eta Junquerasek.

Gobernuaren osaera. Irailaren 27ko hauteskundeen aurretik ere, ERC Kataluniako Gobernuan sartzeko atea zabalik utzi du Masek, eta Junquerasek ez du baztertu aukera hori. ERCk kontseilaritzaren bat hartzea barik, ordea, udan legebiltzarra desegin bitartean errepublikanoen adituek aholkulari papera jokatzea litzateke normalena, gobernu akordioak betetzen direla egiaztatzeko.

Udal hauteskundeak. Maiatzaren amaiera aldean egitekoak dira udal hauteskundeak, eta horren ostean herriz herri elkarren arteko akordioak lehenestea adostu dute CiUk eta ERCk. Hala ere, erabakia ez da derrigor bete beharrekoa, eta tokian tokiko hautagaitzek izango dute azken hitza udal gobernuak norekin osatu erabakitzeko orduan.

ERCk Bartzelonan aurkeztuko duen alkategaiak, Alfred Bosch Espainiako Kongresuko diputatuak, atzo bertan argitu zuen ez duela CiUko Xavier Triasekin inola ere hitzarmenik egingo hiriburuan. «Ezkerreko indarren alternatiba» izan nahi duela esan du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mafapo Positibo Faltsuen Amak elkarteko kide batzuk, artxiboko irudi batean. ©BERRIA

Kolonbiako positibo faltsuak

Cecilia Valdez

Uriberen agintaldian, militarrei emaitzak galdegiteko asmoz aurrera eraman zuten Segurtasun Demokratikoaren Doktrina. Egiteko hark premiaturik, soldaduek milaka gazte pobre exekutatu zituzten judizioz kanpo. Soachan 2007 eta 2008 artean gertaturikoa da adibideetako bat.
 ©DAVID FERNANDEZ

«Marokok ikasi du horrelako ekintzek dirua ematen diotela»

Olatz Silva Rodrigo

Ekainaren 24an Melillan gertatutakoa argitu nahian, ikerketa egin du Lighthouse Reportsek. Eta bertan hartu du parte Jose Bautista kazetariak. Pertsona bat Espainiaren kontrolpeko lurraldean hil zela egiaztatu dute.
Europako Parlamentuak Estrasburgon (Frantzia) duen egoitza. ©EFE

Europako Parlamentuko presidenteorde bat atxilotu dute, ustelkeria egotzita

Mikel Elkoroberezibar Beloki

Bost lagun atxilotu dituzte guztira. Poliziaren arabera, Qatar Europako Parlamentuan hartzen dituzten erabaki politiko eta ekonomikoetan eragina izaten ahalegindu zen, besteak beste, atxilotuen bidez.

Pedro Castillo, Poliziaren autoan, asteazkenean atxilotu berritan. ©RENATO PAJUELO/ EFE

Pedro Castillok Mexikori egindako asilo eskaera berretsi du kartzelatik

Mikel Elkoroberezibar Beloki

Peruko presidente ohia preso egongo da, oraingoz, hilaren 13ra arte. Dina Boluartek Mexikoren esku utzi du asilo eskaeraren auzia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.