COVID-19 kasuek ugaritzen jarraitzen dute Hego Euskal Herrian. Eusko Jaurlaritzaren eta Nafarroako Gobernuaren datuen arabera, 1.388 positibo atzeman dituzte, 14.225 PCR eta antigenoen proba eginda, eta positibo tasa %9,7 da. 73 pertsona ospitaleratu dituzte, eta zainketa intentsiboetako unitateetan COVID-19a duten 86 paziente daude.
Herrialdeka, Gipuzkoak eta Nafarroak sortzen dute kezka bereziki,lehenak beste 430 kasu baititu, eta bigarrenak, 547. Gipuzkoan igotzen jarraitzen du positibo berrien datuak, eta aurreko egunean baino 60 kasu gehiago detektatu dituzte. Nafarroak bigarren egunez jarraian gainditu du 500eko langa. Bizkaian 321 positibo atzeman dira, eta Araban, berriz, 84.
Bestalde, agerraldi bat aurkitu dute Portugaleteko (Bizkaia)Aspaldiko adinekoen egoitzan: 280 erabiltzaileetako 26k eman dute positibo, bai eta bost langilek ere.
Baionako ospitalea
Ipar Euskal Herriko datu xeherik ez dute eman, baina Pirinio Atlantikoetan 155 kasu daude 100.000 biztanleko. Baionako ospitalean hamar paziente daude birusarekin, hiru ZIUn.
Koronabirusa
Positiboek gora egiten jarraitzen dute, bereziki Gipuzkoan eta Nafarroan
Iruzkinak
Ez dago iruzkinik
Ordenatu