'Brexit'-a. Eztabaida politikoa

«Azken bi urte eta erdian gertatutakoak kausa indartu du»

Nicola Sturgeonek «aste batzuen buruan» azalduko du Eskozian independentziarako erreferendum bat egiteko epeez duen iritzia
Nicola Sturgeon lehen ministroa, iazko abenduan, Glasgown.
Nicola Sturgeon lehen ministroa, iazko abenduan, Glasgown. ROBERT PERRY / EFE

Mikel Rodriguez -

2019ko urtarrilak 18
Nicola Sturgeon Eskoziako lehen ministroak asteroko galdera-erantzunen saioa zuen atzo parlamentuan. Brexit-a izan zen gai nagusia, baina independentziarako erreferendum bat egiteari buruz duen iritzia ere galdetu zioten. Sturgeonek erantzun zuen «aste batzuen buruan» emanen dituela argibide gehiago, eta uste duela brexit-erako prozesuak indartu egin duela independentismoa. «Azken bi urte eta erdian gertatutakoak kausa indartu du».

Patrick Harvie Berdeen alderdiko diputatuak galdetu zion gaiari buruz —2014ko erreferendumean independentziaren alde egin zuten Berdeek—. «Datozen asteetan ur anitz pasatu beharra da zubiaren azpitik, eta, hori pasatu ondoren, argi utziko dut independentziari buruzko bozketa baterako epeei buruz dudan ikuspuntua», erantzun zion, brexit-aren eztabaidari aipamen eginez. Independentistei eskatu zien erreferendum baten aldeko kanpaina egiten hasteko.

«Lehenbailehen, hobeki»

2014ko erreferendumean %55ek egin zuen independentziaren aurka, eta %45ek, berriz, alde. Brexit-erakoan, ordea, %61ek egin zuen EBn gelditzearen alde, eta %39k aurka. «Eskozia lehenbailehen independente bada, hobe denontzat», erran zuen atzo Sturgeonek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna