Injustizien kontrako militantea

Annie Arroyo giza eskubideen aldeko militantea zendu da, 77 urte zituela. EHGEBB Euskal Herriko Giza Eskubideen Babeserako Batzordeko presidentea izan zen 2011tik 2015era, eta Hiriburuko (Lapurdi) hautetsia zen 2020ko martxotik. Anne-Marie Michaud eta Gabi Mouesca EHGEBB-ko gaur egungo kopresidenteek Arroyoren ekarpena nabarmendu eta haren ibilbidea omendu dute agiri batean.«Giza eskubideen kontrako edozer gauza salatzeko inplikatzen zen, bidegabekeriak eta itxura faltsuak jasan ezin zituenez... Izan ere, sutsu eta eskuzabal jokatzen zuen beti, bere umoretik aldendu gabe». Euskal gatazkaren konponbidean anitz inplikatu da azken hamarkadetan.