'¡Shot!U' jaialdia, bi gautara

Arrasateko estudioaren aldeko ekimena gaztetxera lekualdatu, eta gaur eta bihar egingo dute

Itziar Ugarte Irizar -

2019ko urtarrilak 4

Maiatzean hartu zuen su Arrasateko (Gipuzkoa) Shot! estudioak. Grabazioetarako hainbat aparatu kiskali, eta 25 urtetan egindako hainbat grabaketaren master kopia galdu ziren. Ezusteko kolpea izan zen Euskal Herriko musikari eta zale askorentzat, eta laster hasi ziren estudioa berriz martxan jartzeko ekinbideak antolatzen. Horietan hurrengoa ¡Shot!U elkartasun jaialdia zen izatekoa, bihar, Arrasateko kiroldegian. Baina bertan behera geratu da azkenean, «azken orduko tramite administratiboak» tarteko. Haren ordez, bi kontzertu gau antolatu dituzte asteburu honetarako, herriko gaztetxean: gaur, Glaukoma eta Itziarren Semeak taldeek joko dute; eta, bihar, larunbatez, La Furiak eta Pikete Lerroak —Fermin Muguruzak eta Deskontrolek Kortaturen kantuak joko dituzte—. Talde horiek berak ziren ¡Shot!U jaialdian parte hartzekoak, baita Soziedad Alkoholika ere.

Antolatzaileek, bestalde, barkamena eskatu dute sortutako eragozpenengatik, eta jaialdirako sarrera erosita zutenei ordaindutakoa itzuliko zaiela jakinarazi dute.

Musikarien elkartasunez

1994an zabaldu zen Shot! grabazio estudioa, eta asko izan dira ordutik euren lanak han grabatu dituzten taldeak; horien artean daude, besteak beste, RIP, Potato, Gose, Petti, Betagarri, Leihotikan, Eraso, Su ta Gar, Audience, Sharon Stoner eta Occhi di Farfalla.

Iñaki Bengoa Shot!-eko arduraduna aritu da musikari horiekin denekin grabaketetan, eta baita teknikari lanetan ere, hainbat kontzertutan. Hala Bengoaren nola estudioaren aldeko hitzak helarazi dituzte gaur-bihar Arrasaten izango diren musikariek. Ondorengoa idatzi du, esaterako, La Furiak, bere lehen diskoa han grabatu zuenak: «Shot!-en giza kalitatea aurkitu dugu, istorio asko, eta, batez ere, musikarenganako maitasuna; egia asko dago han, eta hori ez du suak eramango».

Shot! berriz martxan jartzera bideratuko dute bildutako dirua.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bisitari bat Bilboko Rekalde aretoak Agustin Ibarrola artistari eskainitako erakusketan ©Miguel Toña/Efe

Ibarrolaren unibertso artistikoak bete du Bilboko Rekalde aretoa

Iñigo Astiz

Agustin Ibarrola sortzailearen azken lau hamarkadetako 70 lan inguru biltzen ditu 'Agustin Ibarrola, naturalki' erakusketak, eta Jose Ibarrola seme eta artistak egin ditu komisario lanak

 ©KURSAAL ESZENA

«Maitatua eta sostengatua sentiarazten nau publikoak»

Ainhoa Larretxea Agirre

Hirugarren diskoa aurkezteko bira bertan behera utzi ondotik, Kursaalean izango da Izaro bihartik aurrera. Pandemiatik bizirik atera izana ospatzearekin «nahikoa» du, oraingoz.
<em>Ama Kuraia</em> antzezlaneko lantaldea, joan den otsailean Bilbon egindako aurkezpenean. ©ARITZ LOIOLA / FOKU
Lander Garro idazlea ©Berria

Lander Garrok irabazi du nobelak idazten laguntzeko Agustin Zubikarai saria

Iñigo Astiz

Euskal Herriko giro nahasitik ihesi Bartzelonara doan Xabi Ugarte pertsonaiaren nondik norakoak ditu ardatz proiektuak, eta 'Faith' du behin-behineko izenburua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna