Noiz sortua: 2020-05-23 00:30:00

PASCALEN IRRIBARRETIK

Jan berriz

Xabier Amuriza -

2020ko maiatzak 23

Emakumeak ez zekien ume batekin zer egin, senide txikiago batekiko jelosiagatik. Saiatzen zen mutikoaren begirada krudela gozotzen, baina dena beretzat nahi duenarentzat ez dago laztan neurrikorik. Txikiena altzoan zeukanean, nagusitxoa (lau urte) berehala inguratzen zen, ez hainbeste, altzo zati bat konkistatu guran, senide haurtxoa altzotik bota guran baizik. Amak, beste hainbat arrazoi alferrekoren artean, esan zion: «Baina, laztantxo! Zure senide txikia ere neure sabelean egona baita!». Umeari gorrotorik gordeenetik irten zitzaion: «Ba, jan berriz!». Ez nintzen ausartu «on deizula!» esaten.

Ikusi ditut umeak euren senide txikiagoak torturatzen, haur-kotxea amildegirantz bultzatzen, jangar bihurtzen, euren buruak apurtzen, txakurrek bezala hozkatzen. Baita arrazoi sekular bat desarmatzen ere, etxe batean gizon bat irten zitzaidanean, neskatxo bat eskutik zekarrela.

– Egun on! –agurtu nituen–. Bai neskatxo liraina ere hauxe!

– Liraina bakarrik? –hots egin zuen aitak–. Ez dakizu zer egin zuen atzo!

– Gauza txarrik ez, behintzat! –espantu egin nuen.

Sei urteko neskatxoa barrurantz ezkutatu zen, jauzika eta barreka.

– Apaizak katekesian esan zien: «Jainkoaren begia gainean dugu beti». Gure neskatxoak zuzendu zion: «Jainkoak sei begi ditu».

– Nola sei? –harritu zen apaiza.

– Aitak bi, semeak bi eta usoak beste bi.

– Galdetuko zionat sakristauari –erantzun zuen apaizak.

Geroago jakin nuen sakristauak baietz erantzun zuela, eta apaizak bertsioa ontzat eman zuela. Sakristauen esanean bizi ziren apaizek luzeago irauten zuten herrietan. Hurrengo atarian agure bat aurkitu nuen eserita, eskuak makila tenteari atxikiz.

– Zelan, Anton?

– Ondo ez, baina pozik.

Izan al daiteke «ondo ez, baina pozik»? Arrazoiari burualdi batzuk emanik, ez nion gako argirik aurkitu, baina agureak ez zuen gezurrik esan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Gasteizko Andre Maria Zuriaren plazako tabernetako terrazak, jendez beteta. ©JAIZKI FONTANEDA / FOKU

Hirugarren fasearen peskizan

Edurne Begiristain

Datozen egunetan ere datuak onak badira, astelehenean hirugarren fasera pasatuko da Hego Euskal Herria. Erkidegoek kudeatuko dute nolakoa izango den alarma egoeratik ateratzeko azken urratsa

Irakasle batzuk hizketan, Zarauzko Orokieta herri eskolan, atzo. ©ANDONI CANELLADA / FOKU

Ikasleak ez, irakasleak bai

Irati Urdalleta Lete

Sare publikoko irakasleak itzultzen hasi dira Araban, Bizkaian eta Gipuzkoan. Nafarroan, USE prestatzera bueltatu dira ikasleak

Bisitariei tenperatura hartzeko gailuak jarri dituzte hala Bilboko Arte Ederren museoaren sarreran nola Bilboko Guggenheim museoan. ©ARITZ LOIOLA / FOKU

Museoak. Ziurgabetasun ufada batekin

Iñigo Astiz

Euskal Herriko museo gehienek zabaldu dituzte ateak egunotan, atzo hasita. Ezohiko baldintzetan arituko dira, eta ikusteko dago nola eutsiko dioten bisitarien urritzeari

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna