Basir Ahmedi: bizitza berri bat aurretik

Paperak lortu berri ditu Basir Ahmedi afganistandarrak. Errefuxiatu estatusa hamar urterako lortu du, eta aurpegian igartzen zaio «biziki kontent» dela. 2015eko azaroan Calaistik Baigorrira etorritako 49 etorkinetako bat da Ahmedi. Euskal Herrira iritsi aurretik bereak eta bi ikusi behar izan zituen. 2013an atera zen Afganistandik, Turkiara iritsi zen arte. Erresuma Batua zuen helburu, baina frantziar batzuen laguntzaz, autobusa hartu eta Baigorrira iritsi zen. Ez du damu. Orain sukaldaritza formakuntza egiten ari da Baionan, eta Bidarraiko ostatu batean lan egiten du.